ءوڭىر باسشىسى ەڭ الدىمەن مايدانگەر قاراتاي تولەبەكوۆتى مەرەكەمەن قۇتتىقتاپ وتباسىنا باردى. ەڭبەك ارداگەرىنە قۇرمەت كورسەتكەن اكىم وڭىردەگى اتقارىلعان جەمىستى جۇمىستاردى اتاپ ءوتىپ, بۇگىنگى جاستاردىڭ ىسكەرلىگىن ءسوز ەتتى.
«بۇگىنگى جاس ۇرپاق وزىڭىزدەي تۇلعالارعا ەلىكتەپ ءوسۋى كەرەك. سول ارقىلى ەڭبەكقورلىقتى, باتىرلىقتى بويىنا سىڭىرەدى. قازىنالى قارتتارىمىز ۇلاعاتتى بولاشاعىمىزدىڭ كەپىلى. ەلىمىزدەگى بارلىق ارداگەرلەرىمىزدىڭ دەندەرى ساۋ, جاستارى ۇزاق بولعاي», - دەدى اكىم.
قاراتاي مۇراتبەك ۇلى 1942-1945 جالدارى كالينين, ءىى-بالتىق فرونتتارىندا قاتارداعى جاۋىنگەر, كىشى ءبولىم كومانديرى, باتالون كومسورگى, اسكەري حيميك بولعان. وتان سوعىسىنىڭ ءىى-ءشى دارەجەلى جانە «قۇرمەت بەلگىسى» وردەنىمەن, سونداي-اق ءبىلىم سالاسىنداعى جەمىستى ەڭبەكتەرى ءۇشىن ء«بىلىم سالاسىنداعى ەرەكشە ەڭبەكتەرى ءۇشىن» توسبەلگىسىمەن ماراپاتتالعان.
بۇدان بولەك, ايماق باسشىسى كوپبالالى وتباسى سەيتبەكوۆتار شاڭىراعىندا بولىپ, بالالارعا جاڭا جىلدىق تاتتىلەر ۇلەستىرىپ, تەلەديدار سىيلادى. قۋانىشقا بولەنگەن بالعىندار وبلىس اكىمىنە ءوز ونەرلەرىن كورسەتتى. توعىز بالانىڭ اناسى اينۇر جاكسىلىقوۆا بۇگىندە «التىن القا» يەگەرى اتانعان.
تاۋەلسىز ەلىمىزدىڭ دەموگرافيالىق وسىمىنە ەلەۋلى ۇلەس قوسىپ جۇرگەن التىن قۇرساقتى انالارىمىزدى قۇتتىقتاعان وبلىس اكىمى, باتىر انالارعا دەنساۋلىق, وتباسىلارىنا اماندىق پەن تاتۋلىق تىلەدى.
ايتا كەتەيىك, بۇگىندە وڭتۇستىك قازاقستان وبلىسىندا «قازاقستان رەسپۋبليكاسىنا سىڭىرگەن ەرەكشە ەڭبەگى ءۇشىن رەسپۋبليكالىق دارەجەدەگى 8 دەربەس زەينەتكەر, 196 ۇلى وتان سوعىسىنىڭ ارداگەرى مەن 5543 «التىن القا» يەگەرى تۇرادى.
سونداي-اق, وبلىس اكىمىنىڭ ورىنباسارى ەربول سادىر 11 بالانى تاربيەلەپ وتىرعان جۇسىپباەۆتاردىڭ وتباسىنا باردى. بالالاردىڭ اناسى مادينا جۇسىپباەۆا بۇگىندە «التىن القا» يەسى.
