ولار ناۋقاستى ساناۋلى كۇندەردىڭ ىشىندە ەمدەپ جازاتىن ءدارى-دارمەك تۇرلەرىن ۇسىندى. قۇرت اۋرىنا شالدىققاندار بۇرىنعىداي 20 اي ەمەس, ەندى 1 جىل ىشىندە ساۋىعا الاتىن كورىنەدى.
«2018 جىلدان باستاپ دارىگە ءتوزىمدى تۋبەركۋلەز تۇرىنە قارسى ەمدەۋ شارالارى ەنگىزىلەدى. وسىلايشا وسى اۋرۋ ءتۇرىن قىسقا مەرزىم ىشىندە جازىپ شىعۋ مۇمكىندىگى تابىلىپ وتىر», دەيدى وبلىستىق تۋبەركۋلەگە قارسى ديسپانسەردىڭ دارىگەر-فتيزياتورى دينارا كارمەنوۆا.
وبلىستىق تۋبەركۋلەزگە قارسى ديسپانسەرى باس دارىگەرىنىڭ ورىنباسارى رايسا قۇسايىنوۆانىڭ سوزىنە قاراعاندا نيدەرلاندى پرەپاراتتارى حالىقارالىق دەنساۋلىق ساقتاۋ ۇيىمى ۇسىنعان مەديتسينالىق ءدارى-دارمەك تىزىمىنە ەنگىزىلگەن.
وبلىستا ەپيديميولوگيالىق جاعداي بىرقالىپتى. اتالمىش دەرتكە شالدىعۋشىلاردىڭ سانى جىل سايىن 7 پايىزعا كەمىپ كەلەدى. بىلتىر وبلىستىق تۋبەركۋلەزگە قارسى ديسپانسەردە 413 ناۋقاس ەسەپكە الىنسا, بيىل 370-ءتى قۇراپ وتىر
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى
