«نۇر وتان» ونەر سالاسىن دامىتۋدى قولدايدى

قازاقستانداعى تەاتر ونەرىنىڭ قازىرگى جاعدايى مەن بولاشاعى «نۇر وتان» حالىقتىق-دەموكراتيالىق پارتيا­سىنىڭ ورتالىق اپپاراتىندا وتكەن مادەنيەت پەن ونەردى دامىتۋ جونىندەگى «ميراس» قوعامدىق كەڭەسىنىڭ كەزەكتى وتىرىسىندا تالقىلاندى. بۇگىنگى كۇنى قازاقستاندا 60-تان استام تەاتر بار. ونىڭ كوبى ەلباسى نۇر­سۇل­تان نا­زارباەۆتىڭ قولداۋى­نىڭ ارقا­سىن­دا تاۋەلسىزدىك العاننان كەيىن اشىلدى. حا­لىقتىڭ رۋحاني ومىرىندە جانە ەلدىڭ دامۋ ۇردىسىندە ونەر وتە ۇلكەن ءرول اتقارادى. سوندىقتان دا مادە­نيەت قاي­راتكەرلەرى مەن بيلىك­تىڭ جانە قوعامنىڭ ءوزارا بىرلەستىگى وزەكتى ماسەلەلەردىڭ ءبىرى. جيىندا ءسوز سويلەگەن پار­تيا توراعاسىنىڭ ءبىرىنشى ور­ىن­باسارى نۇرلان نىع­ماتۋلين وسى سالانىڭ ۇزدىك­سىز دامۋى ءۇشىن كۇش بىرىكتىرۋدى ۇسىندى. ەلباسى, پارتيا توراعاسى نۇر­سۇلتان نازار­باەۆتىڭ تاپسىر­ما­سى بوي­ىن­شا مادەنيەت پار­تيا جۇمى­سى­نىڭ باسىم باعىت­تارىنىڭ بىرىنە اينالادى. سەبەبى, ول قوعامدىق قۇندى­لىق­تار با­زا­سىن, ۇلتتىق مىنەز-ق ۇلىقتى قالىپتاستىراتىن سالا, دەدى ورىنباسار. وتىرىسقا قاتىسۋشىلار قا­زاقستان تەاترىنىڭ بۇگىنگى احۋالىنا, اسىرەسە ءار­تىس­تەر­دىڭ, رەجيسسەرلەردىڭ, دراما­تۋرگ­تەردىڭ جاعدايىنا باسا نازار اۋداردى. ءبىز, ەڭ الدى­مەن, قا­زاق تەاترىنىڭ بۇكىل الەم بىلەتىن ءوزىنىڭ پرەزيدەنتىنە, ءوز ەلىنە لايىقتى ءدا­رەجەدە بولا­تىن جاڭا تۇلعا­لارى, جاڭا شى­عارماشىلىق دەڭگەيى تۋرا­لى ويلانۋىمىز كەرەك, دەپ ەسەپتەيدى تەاترلار قىزمەتى وداعىنىڭ ءتور­اعاسى, «ميراس» قوعامدىق كەڭەسىنىڭ مۇشەسى تۇڭعىشباي جامانقۇلوۆ. «نۇر وتان» پارتياسىنىڭ وسىنداي شارا وتكىزىپ جات­قانى كوڭىلگە قۋانىش ۇيالا­تادى. بۇل وتە قاجەت. سوڭعى ۋاقىتتا قازاق دراما تەاتر­لا­رى كوپتەپ اشى­لىپ جاتىر, ال ونىڭ دەڭگەيى بۇ­رىنعىدان دا جوعارى بولۋ كەرەك. سون­دىق­تان ءبىز باعىندىراتىن بەلەستەر ءالى الدا, دەيدى س.سەيفۋللين اتىنداعى قارا­عان­دى وب­لىس­تىق قازاق دراما تەاترى­نىڭ ديرەكتورى كەڭەس جۇمابەكوۆ. «ەگەمەن-اقپارات».