ىنتىماقتاستىققا ىنتالىلىق

 كەشە مەملەكەتتىك حاتشى قانات ساۋداباەۆ ەقىۇ-نىڭ از ۇلتتار جونىندەگى جوعارعى كوميسسارى كنۋت ۆوللەبەكپەن كەزدەستى. كەزدەسۋ بارىسىندا تاراپتار ەتنوسارالىق قاتىناستار مەن از ۇلتتار قۇقىعىن قورعاۋدى ءۇي­لەس­تىرۋ سالاسىنداعى قازاقستاننىڭ ەقىۇ-مەن ىنتىماقتاستىعىن ودان ءارى نىعايتۋ ماسەلەسىن ءاڭ­گى­مە وزەگىنە اينالدىردى. ەقىۇ-نىڭ از ۇلتتار ءىسى ءجو­نىندەگى جوعارعى كوميسسارىنىڭ قوعامدى توپتاستىرۋ باعى­تىن­دا­عى ۇستانىمدارى مىناعان سايادى. ماسەلەن, جوعارعى كوميسسار ۇسى­نىسى نەگىزىندە قازاقستاندا سوڭ­عى جىلدارى قوعامدى ودان ءارى توپتاستىرۋعا, ەتنوسارالىق جانە كونفەسسياارالىق كەلىسىمدى نى­عاي­تۋعا, مەملەكەتتىك ورگاندار­دىڭ ەتنومادەني بىرلەستىكتەرمەن ءوزارا ءىس-قيمىلىنىڭ ءتيىمدى ءجۇي­ەسىن قۇرۋعا, از ۇلتتار تىلدەرىندە ءبىلىم جۇيەسىن جەتىلدىرۋگە باعىت­تال­عان بىرقاتار جوبالار ىسكە اسى­رىلعان. كەزدەسۋ كەزىندە وسى ماسەلەلەر ءسوز بولدى. سونداي-اق, قانات ساۋداباەۆ پەن كنۋت ۆوللەبەك قازاق­ستان­نىڭ 2010 جىلى ەقىۇ-عا جەمىستى توراعالىعى, پرەزيدەنت نۇر­سۇل­تان نازارباەۆتىڭ كوشباس­شى­لىعى نەگىزىندە استانادا ءتوزىم­دى­لىك پەن كەمسىتپەۋشىلىك جونىندەگى ەقىۇ-نىڭ جوعارى دەڭگەيدەگى كونفە­رەن­تسياسى جانە ەقىۇ-نىڭ جاڭا مىڭ­جىل­دىقتاعى العاشقى ءسامميتى سىندى ماڭىزدى تاريحي وقيعالاردىڭ وتكەن­دىگىنە جان-جاقتى توقتالىپ ءوتتى. «ءبىز بەن ءسىزدى ءوزارا تىعىز ءارىپ­تەستىك بايلانىس ءجىبى بايلا­نىس­تىرادى. ءسوز ورايى كەلگەندە مەن ءبىزدىڭ ەقىۇ-عا توراعا­لى­عى­مىز كەزىندە قولداۋ كورسەت­كەن­دە­رىڭىز ءۇشىن العىسىمىزدى بىلدىرەمىز. بىرلەسكەن كۇش-جىگەرىمىزدىڭ ارقا­سىن­دا ءبىراز جۇمىستىڭ باسى قايى­رىل­دى. سولاردىڭ ەڭ ما­ڭىز­دىسى – ول ەت­نوس­ارالىق جانە كون­فەسسياارالىق كەلىسىم, از ۇلتتار قۇقىعىن قورعاۋ», – دەدى قانات ساۋداباەۆ. سونداي-اق, مەملەكەتتىك حات­­شى ەلباسىنىڭ كوش­باس­شى­لى­عى­مەن قازاقستاننىڭ دۇنيە ءجۇ­زىندەگى جەتەكشى ۇيىمعا جەمىستى توراعالىق ەتكەنىنە, ال بۇل ءوز كەزەگىندە ەلىمىزدىڭ ەتنوس­ارالىق قا­رىم-قاتىناس سالاسىنداعى ءتا­جى­­ري­بەسىن جەتىلدىرۋگە سەپ بول­عا­نى­نا توق­­تال­دى. «قوعامدى توپتاس­تى­رۋدى نەگىزگە العان ۇسىنىس­تا­رى­ڭىز ءوز دەڭ­گەيىن­دە ءجۇ­زەگە اسى­رىلىپ كەلەدى. ءسىزدىڭ اس­تاناعا جاساعان ساپارىڭىز دا ىنتى­ماق­تاستىق تەتىگىن ودان ءارى نىعايتا تۇسەدى دەگەن سەنىمدەمىز», – دەدى ول ءوز سوزىندە. «ءبىز ەقىۇ-عا توراعالىق ەتۋى كەزىندە قازاقستانمەن تىعىز باي­لانىستا جۇمىس اتقارىپ, ەكى­جاق­تى, وڭىرلىك جانە ۇيىم اياسىن­دا­عى ماسەلەلەردى تالقىعا سالدىق. قازاقستان ورتالىق ازيادا ءوزىنىڭ ورنىن ايقىنداپ ۇلگەرگەن ەل. ءبىز سىزدەردىڭ ەلدەرىڭىزبەن ينتەگرا­تسيا­لىق سالادا بايلانىس ورناتىپ كەلەمىز. قا­زاق­ستان حالقى اسسام­بلەيا­سىمەن دە تى­عىز ارىپتەستىك­تە­مىز. بۇل ىنتىماق­تاس­تىق بولا­شاق­تا دا ءوز جالعاسىن تاباتى­نى­نا سەنىم بىلدىرگىم كەلەدى», – دەدى كنۋت ۆوللەبەك جۋرناليستەرگە بەر­گەن سۇحباتىندا. ءلايلا ەدىلقىزى.