داۋرەن اباەۆ اتاپ وتكەندەي, Smart City تۇجىرىمداماسى بارلىق قالالىق قىزمەتتەردىڭ تيىمدىلىگىن ارتتىرۋعا باعىتتالعان. Smart City ميسسياسىنىڭ نەگىزى — ادام جانە ونىڭ قاجەتتىلىكتەرى. اقىلدى قالانىڭ نەگىزگى سيپاتتامالارى — جايلىلىق, قاۋىپسىزدىك, تيىمدىلىك جانە قورشاعان ورتاعا زياندى تومەندەتۋ.
«تسيفرلىق قازاقستان» مەملەكەتتىك باعدارلاماسىنىڭ نەگىزگى كورسەتكىشتەرىنىڭ ءبىرى – ەلىمىزدىڭ بەس ءىرى قالاسىندا – Smart Astana, Smart Karagandy, Smart Ontystuk, Smart Almaty, Smart Aktobe سەكىلدى Smart City-ءدى دامىتۋ», — دەدى داۋرەن اباەۆ.
اتالعان جوبالاردىڭ باستى ورىنداۋشىلارى – وڭىرلەر اكىمدىكتەرى. «اقىلدى قالانى» دامىتۋ تۇرعىسىنان ولاردىڭ جۇمىسىنىڭ نەگىزگى باسىمدىقتارى: ءوڭىر تۇرعىندارىنىڭ ءومىر ساپاسىن جاقسارتۋ; ەلەكتروندى تۇردەگى مەملەكەتتىك قىزمەتتەردىڭ ۇلەسىن ۇلعايتۋ; قازاقستان ايماقتارىنىڭ Smart سity حالىقارالىق رەيتينگتەرىنە كىرۋى; جاو ارحيتەكتۋراسىن دامىتۋ; Smart city تۇجىرىمداماسىنا سايكەس باستامالىق جوبالاردى ىسكە اسىرۋ; G2G, B2B جانە G2B سەگمەنتتەرىندە قاعازسىز ءوزارا ارەكەتتەستىكتى ىنتالاندىرۋ.
مينيستر مەملەكەتتىك باعدارلاما اياسىندا «اقىلدى قالالاردىڭ» تيپتىك تۇجىرىمداماسى ازىرلەنگەنىن اتاپ ءوتتى. وندا ينتەرنەت زاتتار, جاساندى زەردە جانە ت. ب. سەكىلدى الدىڭعى قاتارلى تەحنولوگيالاردى قولداناتىن جوبالاردىڭ ءتىزىمى كەلتىرىلگەن. سونداي-اق, قۇجات Smart City تەحنولوگيالارىن ەنگىزۋدىڭ نەگىزگى قاعيدالارىن, تاسىلدەرىن, ماقساتتارىن, باسىمدىقتارى مەن مىندەتتەرىن انىقتايدى.
«جوبالار مەملەكەتتىك-جەكەشەلىك ارىپتەستىك, اقپاراتتاندىرۋدىڭ سەرۆيستىك مودەلى, بيۋدجەتتىك قارجىلاندىرۋ جانە جەكە ينۆەستيتسيالار شەڭبەرىندە جۇزەگە اسىرىلاتىن بولادى. سونىمەن قاتار جوبالاردى بەنچماركينگتى پايدالانۋ, ياعني ۇزدىك الەمدىك جانە وتاندىق تاجىريبەگە باعدارلاۋ ارقىلى جۇزەگە اسىرۋ جوسپارلانعان», — دەدى داۋرەن اباەۆ.
حالىقارالىق ستاندارتتارعا سۇيەنە وتىرىپ, قازاقستاندا Smart City سالاسىنداعى ۇلتتىق ستاندارتتار ازىرلەنىپ, بەكىتىلدى. ولار ەنەرگيا ۇنەمدەۋ, تكش, كولىك, ءبىلىم بەرۋ, دەنساۋلىق ساقتاۋ, قورشاعان ورتانى قورعاۋ جانە اقپاراتتىق تەحنولوگيالار سالاسىنداعى يننوۆاتسيالىق شەشىمدەر ەسەبىنەن, قاۋىپسىزدىك پەن قىزمەت كورسەتۋدىڭ جوعارى دەڭگەيىن قوسا العاندا, قالالىق پروتسەستەردى ورتالىقتاندىرىلعان باسقارۋدىڭ تۇبەگەيلى جاڭا مۇمكىندىكتەرىن, ءبىرتۇتاس تالاپتاردى رەتتەيدى.
اقپارات جانە كوممۋنيكاتسيالار ءمينيسترىنىڭ ايتۋىنشا, «Collaborative Innovation» نەگىزگى تەتىك بولادى — مەملەكەتتىك ورگانداردىڭ جەكەمەنشىك ۇيىمدارمەن ءوزارا ءىس-قيمىل فورماتى, ونىڭ اياسىندا بىرتىندەپ جاڭا جەتىلدىرىلگەن شەشىمدەر, تاسىلدەر جانە نقا قاجەتتى وزگەرىستەر ازىرلەنەدى.
بايانداماشى بۇل تۇجىرىمداما Smart City-ءدى ەنگىزۋ دەڭگەيىنە بايلانىستى قالالاردى باعالاۋ جۇمىستارىن جۇرگىزۋدى ۇسىناتىنىن اتاپ ءوتتى. سونىڭ نəتيجەسىندە, باعالاۋدىڭ ءتيىستى شكالاسى بار كەستە تۇرىندەگى ەنگىزۋ دارەجەسىنىڭ كارتاسى ازىرلەنەدى. ءار سالاعا قر ستاندارتتارىنىڭ ينديكاتورلارى مەن كورسەتكىشتەرىنە سايكەس نەگىزدەلگەن باعا بەرىلەدى.
استانا قالاسىنىڭ اكىمى اسەت يسەكەشەۆ, الماتى اكىمى باۋىرجان بايبەك جانە قاراعاندى وبلىسىنىڭ اكىمى ەرلان قوشانوۆ Smart City جوبالارىن ەنگىزۋدىڭ ايماقتىق تاجىريبەسى مەن ىسكە اسىرىلۋ جاعدايى تۋرالى بايانداما جاسادى.
