سۇحبات بارىسىندا نۇرسۇلتان نازارباەۆ "قازاقستان" تەلەارناسىنىڭ ءتىلشىسى مۇحتار تۇمەنباەۆتىڭ "قازىرگى قوعامدا بەلگىلى ءبىر قوزعاۋ بولۋى كەرەك, قوعامدىق سانا وزگەرۋى كەرەك. ءسىزدىڭ "بولاشاققا باعدار: رۋحاني جاڭعىرۋ" باعدارلاماڭىزدا وسىعان جەتۋدىڭ ءبىرشاما جولدارى كورسەتىلگەن. سول باعدارلامى جۇزەگە اسىرۋ ءۇشىن قۇرىلعان ۇلتتىق كوميسسيانىڭ جۇمىسىنا كوڭىلىڭىز تولا ما؟" دەگەن سۇراعىنا جاۋاپ بەردى.
ء"بىز باعدارلامانى بيىل عانا جاريالادىق. ياعني, ونىڭ شىققانىنا كوپ ۋاقىت بولعان جوق. باعدارلامانى جۇزەگە اسىرۋ ءۇشىن تيىستى زاڭدار قابىلدادىق, ۇسىنىستار ەنگىزدىك. سول بويىنشا جۇمىس ىستەپ جاتىرمىز. الدىعا قويعان ماقساتتاردىڭ ىشىندە ەڭ ءبىرىنشى ورىندا لاتىن ارپىنە كوشەمىز دەگەن ماسەلە تۇر. ونى بۇكىل حالىق بولىپ تالقىلاپ, بارلىق زيالى قاۋىمنىڭ, ءتىل عالىمدارىنىڭ پىكىرىن, ەلدىڭ ويىن تىڭدادىق. جان-جاقتى قاراستىرىپ, ءبىر شەشىمگە كەلدىك. ماعان الىپبيدىڭ ەڭ سوڭعى نۇسقاسى تانىستىرىلدى. مەن سونى بەكىتتىم. بىراق لاتىن ءالىپبيىن تولىقتاي ەنگىزۋگە ءالى ۋاقىت بار.
مەن قوعامدا ءتۇرلى پىكىرلەردىڭ بار ەكەنىن بىلەمىن. كەيبىرى ارىپتەردىڭ ۇستىندەگى ءۇتىردىڭ دۇرىس ەمەستىگىن, كەيبىرى بىرنەشە قارىپتەن جاساۋ كەرەكتىگىن ايتىپ جاتىر. تۇركىتىلدەس اعايىنداردىڭ نۇسقاسىنا وتەيىك دەگەن پىكىر دە جوق ەمەس. مەنىڭ ويىمشا, لاتىن قارپى كومپيۋتەرلىك نۇسقاعا ساي بولۋى كەرەك. كومپيۋتەرمەن جۇمىس ىستەۋگە قيىندىق تۋدىرمايتىنداي جاعداي جاساۋ كەرەك. سوندىقتان مەن قازىرگى نۇسقانى دۇرىس دەپ سانايمىن", - دەدى پرەزيدەنت نۇرسۇلتان نازارباەۆ.
