– ول قازاقستانعا كەلگەندە, ءبىزدىڭ رەسپۋبليكاعا جانە مۇندا تۇرىپ جاتقان ادامدارعا تاڭعالعان. سوندىقتان ول فوتولار سەرياسىن جاساۋدى ۇيعارعان, – دەيدى قاراعاندى وبلىسىنداعى كورەيلەر ەتنومادەني بىرلەستىگىنىڭ ءتورايىمى ليليا كيم.
سۋرەتتەردە اۆتور 1937 جىلى كەڭەس ساياساتىنىڭ ماجبۇرلەپ قونىس اۋدارىلۋىنىڭ ناتيجەسىندە قازاقستانعا جەر اۋدارىلعان كورەي ۇلتىنىڭ ۇرپاقتارىنىڭ قازىرگى كۇندەلىكتى ءومىرىن كورسەتكەن. كيم دجين سوك ۇشتوبە, قىزىلوردا, الماتى جانە استانا تۇرعىندارىن سۋرەتكە تۇسىرگەن.
كيم دجين سوك – فوتوجۋرناليست, ساياحاتشى. ول كوپتەگەن ەلدەردە بولعان, ونىڭ ىشىندە يسپانيا, فرانتسيا, جاپونيا, افريكا, گيمالاي جانە باسقا ەل-
دەردە ءبىرشاما ساياحاتتاعان. ون جىلدان استام ۋاقىت بويى ءفوتوتىلشى بولىپ جۇمىس ىستەگەن, سونىمەن قاتار كورەي ۋنيۆەرسيتەتتەرىندە فوتوگرافيا ونەرى بويىنشا ءدارىس بەرگەن. ءوزىنىڭ ساياحاتتارى بارىسىندا ول «ادامداردىڭ ومىرىندەگى ەڭ ادەمى ساتتەردى» سۋرەتكە ءتۇسىرىپ الۋعا تىرىسقان. قازىرگى تاڭدا كيم دجين سوك كورەي رەسپۋبليكاسى پرەزيدەنتىنىڭ اكىمشىلىگىندە فوتوگراف بولىپ قىزمەت ەتەدى.
كورمەنى قازاقستان كورەيلەر قاۋىمداستىعى قاراعاندى فيليالىنىڭ قولداۋىمەن كورەي رەسپۋبليكاسى ەلشىلىگىنىڭ مادەنيەت ورتالىعى ۇيىمداستىرعان. كەلەسى جىلدىڭ 17 قاڭتارىنا دەيىن جۇمىس ىستەيتىن كورمەنى كوپشىلىك جىلى قابىلداپ جاتىر.
ميراس اسان,
«ەگەمەن قازاقستان»
قاراعاندى وبلىسى
