تالقىلاۋ بارىسىندا, شاراعا قاتىسۋشىلار قارۋلى كۇشتەردىڭ جانە قازاقستان رەسپۋبليكاسىنىڭ باسقا اسكەري جاساقتارىن جابدىقتاۋدىڭ بىرىڭعاي ءۇردىسىن دايارلاۋ كەرەكتىگىن اتاپ ءوتتى.
ارينە, زاڭنامالىق تۇرعىدان العاندا وسى سالادا سوڭعى جىلدارى كوپ ماسەلەلەر ءوز شەشىمىن تاپقان. سونىڭ ىشىندە, اسكەري ازىق نورماسىنىڭ جالپى مولشەرى بەلگىلەنىپ, كەلەسى جىلدان باستاپ, جاڭا قابىلدانعان زاڭمەن ارناۋلى باسپانالىق تولەم تەتىكتەرى ارقىلى بارلىق اسكەري قىزمەتكەرلەردى تۇرعىن ۇيمەن قامتۋدىڭ جاڭا مودەلى ەنگىزىلەدى.
سونىمەن قاتار, قازىر ۇلتتىق ۇلان, شەكارالىق قىزمەت, ازاماتتىق قورعاۋ قىزمەتتەرى باسقا مەملەكەتتىك ورگانداردىڭ قۇرامىندا بولعاندىقتان, قارۋلى كۇشتەردىڭ قارجىلىق جۇيەسىنەن تىس قالىپ وتىر. سول سەبەپتى ولاردىڭ سۇرانىستارى جۇيەلى تۇردەگى قارجى جەتىسپەۋشىلىككە دۋشار بولۋدا. وسىعان وراي, قوعامدىق ءتارتىپتى كۇشەيتۋ, ۇلتتىق قاۋىپسىزدىكتى قامتاماسىز ەتۋ, تەررورلىق اكتىلەردىڭ الدىن-الۋ, انىقتاۋ جانە بولدىرماۋ جۇمىسىنىڭ ءتيىمدى جۇيەسىن دامىتۋ ماقساتىندا ۇكىمەت باسشىسى باقىتجان ساعىنتاەۆتىڭ اتىنا دەپۋتاتتىق ساۋال جولداپ, كەلەسى شارالاردى ىسكە اسىرۋدى ۇسىندىق:
1.بيۋدجەتتىك كودەكسكە ۇلتتىق ۇلان, شەكارالىق قىزمەت, ازاماتتىق قورعاۋ قىزمەتتەرىن قارجىلاندىرۋىنىڭ دەربەس شىعىن ءليميتىن قاراستىراتىن وزگەرىستەر مەن تولىقتىرۋلار ەنگىزۋ;
2.قارۋلى كۇشتەردىڭ جانە قازاقستان رەسپۋبليكاسىنىڭ باسقا اسكەري جاساقتاردى قارجىلاندىرۋ مەملەكەتتىڭ ىشكى جالپى ءونىمىنىڭ 1 پايىزىنان كەم بولماۋىن زاڭنامالىق دەڭگەيدە مىندەتتەۋ; بۇل شارا تەك قانا قارۋلى كۇشتەر ەمەس, سونىمەن بىرگە ۇلتتىق ۇلان جانە شەكارالىق قىزمەت جاساقتارىنىڭ قارجىلىق, ماتەريالدى – تەحنيكالىق قاجەتتىلىكتەرىن كەپىلدى ورىندالۋىن قامتاماسىز ەتەدى.
ەلدىڭ قورعانىسى مەن قاۋىپسىزدىگىن جەتىلدىرۋ ماساتىندا وسى ۇسىنىستار ورىندالار دەگەن ۇمىتتەمىز. بۇل ساۋالعا ءبىزدىڭ كوميتەتتىڭ بارلىق مۇشەلەرى دە قول قويدى.
نۇرجان نۇرسيپاتوۆ,
سەنات دەپۋتاتى
