العاشقى ارالانعان نىسان 143 ستارتاپ رەزيدەنتى بار ات-پارك بولدى. ساپار بارىسىندا تاتارستان رەسپۋبليكاسىنىڭ پرەمەر-ءمينيسترىنىڭ ورىنباسارى – اقپارات جانە بايلانىس ءمينيسترى رومان شايحۋتدينوۆ رەسپۋبليكانىڭ IT-تەحنولوگيالار سالاسىنداعى نەگىزگى جەتىستىكتەرى تۋرالى اڭگىمەلەدى. ۆيتسە-پرەمەردىڭ ايتۋىنشا, تاتارستان قاعاز تۇرىندەگى قۇجات اينالىمىنان تولىقتاي باس تارتقان, بۇگىندە كۇن سايىن 200 مىڭ قۇجات پەن 165 مىڭ قارار ەلەكتروندى نۇسقادا جۇرگىزىلەدى. سونداي-اق, تسيفرلاندىرۋ بارلىق الەۋمەتتىك سالالاردى كەڭىنەن قامتيدى. «ەلەكتروندى دەنساۋلىق ساقتاۋ» اقپاراتتىق جۇيەسىندە 18,5 مىڭ مەديتسينا قىزمەتكەرى جۇمىس ىستەيدى. ءبىر ميلليوننان استام تاتارستاندىقتار, ونىڭ ىشىندە مۇعالىمدەر مەن اتا-انالار «ەلەكتروندىق ءبىلىم» جۇيەسىنىڭ پايدالانۋشىلارى بولدى.
بۇدان وزگە, دەلەگاتسياعا «گلوناسس + 112» اقپاراتتىق جۇيەسى ۇسىنىلدى. بۇگىنگى كۇنى وعان تاتارستاننىڭ بارلىق جەدەل وپەراتيۆتىك قىزمەتتەرى قوسىلعان. بۇل كەز-كەلگەن كۇتپەگەن جاعدايلاردا ولاردىڭ جۇمىسىن بايلانىستىرۋعا جانە ۇيلەستىرۋگە جول اشادى. سونىمەن قاتار بۇل جۇيە زارداپ شەگۋشىلەر سيگنالدارىن قاداعالاۋعا جانە قىسقا مەرزىم ىشىندە كومەك كورسەتۋگە مۇمكىندىك بەرەدى.
IT-پاركىن ارالاۋ بارىسىندا «ات-پارك» مدم مەن «قازاقتەلەكوم» اق اراسىندا ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويىلدى. مەموراندۋم سەرىكتەستىكتى ورناتۋدى جانە جيىنتىقتى ساقتاۋ تەحنولوگيالارىن, اقپاراتتىق قاۋىپسىزدىكتى, جاساندى زەردەنى, زاتتار ينتەرنەتىن دامىتۋ جانە وزگە دە باعىتتاردا تاجىريبە الماسۋدى قاراستىرادى.
كەيىن دەلەگاتسيا «يننوپوليس» ەرەكشە ەكونوميكالىق ايماعىنا بارىپ, يننوپوليس ۋنيۆەرسيتەتىنىڭ اقپاراتتىق تەحنولوگيالار سالاسىنداعى ازىرلەمەلەرىمەن تانىستى. «يننوپوليس» — تالانتتى ازىرلەۋشى تۇرعىندارى بار قالا. ونىڭ اۋماعىندا بەس سالىق جەڭىلدىگى جۇرەدى جانە ءومىر سۇرۋگە قاجەتتى بارلىق ينفراقۇرىلىم جاسالعان.
