ەلباسى نۇرسۇلتان نازارباەۆتىڭ تاپسىرماسىمەن قر پرەمەر-ءمينيسترى باقىتجان ساعىنتاەۆ پەن قر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ «سامۇرىق-قازىنا» ۇلتتىق ءال-اۋقات قورى» اق ۇجىمىنا جاڭا توراعا - احمەتجان ەسىموۆتى تانىستىردى.
پرەمەر-مينيستر احمەتجان ەسىموۆتىڭ ەل الدىنداعى جانە كۇردەلى مەملەكەتتىك تاپسىرمالاردى ورىنداۋداعى جوعارى كاسىبيلىگى مەن جاۋاپكەرشىلىگىن اتاپ ءوتتى. سونداي-اق قور الدىندا ترانسفورماتسيا باعدارلاماسىن دامىتۋ سياقتى جوعارى مىندەتتەر تۇرعانىنا دا توقتالىپ ءوتتى.
احمەتجان ەسىموۆ 1950 جىلى 15 جەلتوقساندا الماتى وبلىسىندا دۇنيەگە كەلگەن. «اۋىل شارۋاشىلىعى ءوندىرىسىنىڭ پروتسەستەر مەحانيزاتسياسى» ماماندىعى بويىنشا 1974 جىلى قازاق اۋىلشارۋاشىلىق ينستيتۋتىنىڭ مەحانيكالىق فاكۋلتەتىن بىتىرگەن. «الەۋمەتتىك-ساياسي قاتىناستار تەورياسى» ماماندىعى بويىنشا 1991 جىلى رەسەي قوعامدىق عىلىمدار اكادەمياسىنىڭ الەۋمەتتىك-ساياسي فاكۋلتەتىن تامامداعان. ەكونوميكا عىلىمدارىنىڭ دوكتورى 1990 جىلدان - قازكسر مەماگروونەركاسىپ توراعاسىنىڭ ءبىرىنشى ورىنباسارى. 1992 جىلدان - الماتى وبلىستىق اكىمشىلىگىنىڭ باسشىسى. 1994 جىلدان - قر پرەمەر-ءمينيسترىنىڭ ورىنباسارى. 1996 جىلدان - قر مەملەكەتتىك حاتشىسى. 1996 جىلدان - قر پرەمەر-ءمينيسترىنىڭ ءبىرىنشى ورىنباسارى - مەملەكەتتىك قارجى سالىمدار كوميتەتىنىڭ توراعاسى. 1998 جىلدان - قر پرەزيدەنتى اكىمشىلىگىنىڭ باسشىسى. 1998 جىلدان - قر بەنيليۋكس مەملەكەتتەرىندەگى توتەنشە جانە وكىلەتتى ەلشىسى. 2001 جىلدان - قر اۋىل شارۋاشىلىعى ءمينيسترى. 2002 جىلدان - قر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى. 2004 جىلدان - قر پرەمەر-ءمينيسترىنىڭ ورىنباسارى. 2006 جىلدىڭ قاڭتار ايىنان - قر اۋىل شارۋاشىلىعى ءمينيسترى. 2008 جىلدان بەرى - الماتى قالاسىنىڭ اكىمى.
«نۇر وتان» حدپ قالالىق فيليالىنىڭ توراعاسى (2008 جىلدان). 2015 جىلدىڭ 9 تامىزىنان "استانا ەكسپو-2017" ۇك باسقارماسىنىڭ توراعاسى قىزمەتىن اتقاردى. «قۇرمەت بەلگىسى» (1982), «پاراسات» (2002), «وتان» (2007) وردەندەرىمەن ماراپاتتالعان.
