وتىرىس بارىسىندا يادرولىق قارۋدى تاراتپاۋ, ۇلتتىق ەكسپورتتىق باقىلاۋ جۇيەسىن جەتىلدىرۋ ماسەلەلەرى, سونداي-اق قازاقستاننىڭ الداعى بۇۇ قاۋىپسىزدىك كەڭەسىندەگى توراعالىعى تالقىلاندى.
ق.ءابدىراحمانوۆ كوميسسيا جۇمىسىنىڭ بىرقاتار ناتيجەلەرىن اتاپ ءوتتى. سوڭعى كەزدەسۋدەن كەيىن وسكەمەن قالاسىنداعى ءۇلبى مەتاللۋرگيالىق زاۋىتى نەگىزىندە اتوم قۋاتى حالىقارالىق اگەنتتىگىنىڭ تومەن بايىتىلعان ۋران بانكى عيماراتى اشىلدى, سونداي-اق قازاقستاننىڭ تەڭگەرىمىنە بيولوگيالىق قاۋىپسىزدىك دەڭگەيىن نىعايتۋعا جانە قازاقستان, رەسەي فەدەراتسياسى, ورتالىق ازيا جانە باسقا شەتەل عالىمدارىنىڭ عىلىمي قىزمەتىنىڭ ساپاسىن ارتتىرۋعا باعىتتالعان بىرەگەي ورتالىق رەفەرەنس-زەرتحانا قابىلداندى.
كوميسسيا وتىرىسىنىڭ قورىتىندىسى بويىنشا ءتيىستى مەملەكەتتىك ورگاندارعا ۇلتتىق ەكسپورتتىق باقىلاۋ جۇيەسىن ودان ءارى جەتىلدىرۋ, يادرولىق قارۋدى تاراتپاۋ رەجيمىن نىعايتۋ, سونداي-اق قازاقستاننىڭ بۇۇ قاۋىپسىزدىك كەڭەسىندەگى توراعالىعى اياسىندا ءىس-شارالاردى ازىرلەۋ مەن وتكىزۋ بويىنشا ناقتى تاپسىرمالار بەرىلدى.
جاپپاي قىرىپ-جويۋ قارۋىن تاراتپاۋ ماسەلەلەرى جونىندەگى كوميسسيا قازاقستاننىڭ قارۋسىزداندىرۋ جانە يادرولىق قارۋدى تاراتپاۋ سالاسىنداعى حالىقارالىق مىندەتتەمەلەرىن ورىنداۋعا ارنالعان ارنايى جۇمىس ورگانى بولىپ تابىلادى. سونداي-اق كوميسسيا قازاقستاننىڭ جاھاندىق قاۋىپسىزدىك ماسەلەلەرى بويىنشا حالىقارالىق باستامالارىن ىسكە اسىرۋدا ماڭىزدى قۇرال بولىپ تابىلادى.
