ايتا كەتەيىك, بيىلعى جىلى پرەزيدەنتتىك جاڭا جىلدىق شىرشا استانانىڭ 20 جىلدىعى اياسىندا «اسقاق وردام – استانا» تاقىرىبىنا ارنالعان.
مەرەكەلىك شاراعا 9-13 جاس ارالىعىنداعى جەتىم جانە اتا-اناسىنىڭ قامقورلىعىنسىز قالعان, از قامتىلعان جانە كوپ بالالى وتباسىلاردىڭ جəنە وقۋدا, سپورتتا, شىعارماشىلىق نەمەسە قوعامدىق ومىردە تابىسقا جەتكەن دارىندى بالالار - بارلىعى 850 بالا قاتىستى.
مەرەكەلىك شارا بارىسىندا قازاقستان رەسپۋبليكاسى پرەزيدەنتىنىڭ بەينەتاسپا ارقىلى بالالارعا ارنالعان جاڭا جىلدىق جىلى قۇتتىقتاۋى كورسەتىلدى. سونىمەن قاتار, وبلىس اكىمى نۇرلان نوعاەۆ تا بالالاردى جاڭا 2018 جىلمەن قۇتتىقتادى.
- قۇرمەتتى بالالار, ءبىز سىزدەرمەن ماقتانامىز. سىزدەر ءبىزدىڭ بولاشاعىمىزسىزدار. بۇگىنگى كۇنى وبلىسىمىزدا 116 مىڭ وقۋشى ءبىلىم الۋدا. ەلباسىنىڭ تاپسىرماسى بويىنشا سىزدەردىڭ جاقسى ءبىلىم الۋلارىڭىز ءۇشىن بارلىق جاعداي جاسالعان, مەكتەپتەر مەن بالاباقشالاردا زاماناۋي تەxنولوگيالار, تەxنيكالىق جابدىقتار قولدانىلۋدا. سىزدەردىڭ مىندەتتەرىڭىز اتا-انالارىڭ, اجەلەرىڭ مەن اتالارىڭنىڭ ارتقان ءۇمىتىن اقتاۋ ءۇشىن بارلىق مۇمكىندىكتەردى پايدالانۋ. 2017 جىلى سىزدەر وتە جاقسى ەڭبەكتەندىڭىزدەر. كەلەر جىلدى دا جاڭا جەتىستىكتەر مەن ۇلكەن جەڭىستەرمەن قارسى الۋلارىڭىزدى تىلەيمىن!
كەش بارىسىندا بالالارعا ەرتەگى الەمىنىڭ كەيىپكەرلەرى مەرەكەلىك قويىلىم كورسەتىپ, بالالارمەن بىرگە جاڭا جىلدىق شىرشانى اينالىپ, ءان ايتىپ, بي بيلەپ, ءتۇرلى قىزىقتى ويىندار ويناتتى.
- "ماعان بۇگىنگى شىرشا قاتتى ۇنادى. بۇل جەردە اياز اتا, اقشاقار جانە كوپ بالالار بار. مەرەكەلىك شارادان العان جىلۋ مەن قۋانىش سەزىمى جۇرەگىمدى ۇزاق ۋاقىتقا قالادى. مەن بارلىق ادامداردى جاڭا جىلمەن قۇتتىقتايمىن!" - دەيدى ەركىنقالا ورتا مەكتەبىنىڭ وقۋشىسى پەريزات بازىلxان.
بالالاردىڭ ارقايسىسىنا قازاقستان رەسپۋبليكاسى پرەزيدەنتىنىڭ اتىنان: قىسقى كيىم, اياق كيىم, سپورتتىق كيىم, وقۋ قۇرالدارى جانە ءتاتتى سىيلىقتار تابىستالدى.
