التىنعا بالانعان كۇمىس

قازىلار مايا مانەزانى باس جۇلدەدەن ايىردى پاريجدە قازاقستان ۇلتتىق قۇراماسىنىڭ ونەرى كوپشىلىك كوڭىلىنەن شىعۋدا. سارسەنبىگە دەيىن نەبارى ەكى سپورتشىمىز عانا جارىس جولىنا شىقتى. بۇل سىندا ەكەۋى دە جاقسى ونەر كورسەتتى. جەكسەنبىدە ءزۇلفيا چينشانلو (53 كيلو) ءتۇر­­­كيا­لىق ايلىم داسدەلەن مەن قى­تايلىق دجي دجينگ­تى جولدا قالدىرىپ, التىن­­­نان القا تا­­عىنسا, سەيسەنبىدە مايا مانە­­زا­نىڭ (63 كيلو) اسقان شەبەرلىگىنە ءتانتى بولدىق. جارىس قار­­سا­­­ڭىندا مامانداردىڭ كوبى بۇل سالماق دارەجە­سىندە نەگىزگى باسەكەلەستىك ءبىزدىڭ مانەزا مەن قىتايلىق حيوفانگ كيانگ ارا­سىندا ءوربيدى دەگەن پىكىر ايتتى. سونىمەن بىرگە رەسەيدىڭ سۆەتلانا تسارۋكاەۆا مەن مارينا شاينوۆانىڭ دا مۇمكىن­دىكتەرى جوعارى باعا­لان­دى. وسى سپورتشىلارعا چەمپيوناتتا وسىن­داي سەنىم ارتىلعانى تەگىن ەمەس. مانەزا – الەمنىڭ ەكى دۇركىن چەمپيونى. كيانگ – الەم چەم­پيوناتىنىڭ قولا جۇلدەگەرى, ازيا ءبىرى­ن­شىلىگىنىڭ جەڭىمپازى. تسارۋكاەۆا بىرنەشە رەت الەم چەمپيوناتىندا جۇلدەگەر اتاندى. شاينوۆا – ەۋروپا چەمپيونى. سەيسەنبى كۇنى جۇلقىپ كوتەرۋ جاتتىعۋى بوي­ىنشا سۆەتلانا تسارۋكاەۆا الدىنا جان سال­مادى. ول 117 كيلولىق زىلتەمىردى تىك كوتە­رىپ, الەمنىڭ جاڭا رەكوردىن جاڭارتتى. حيوفانگ كيانگ ەكىنشى ورىنعا تابان تىرەدى. ونىڭ كورسەتكىشى – 113 كيلو. مايا مانەزا 109 كي­لولىق ناتيجەمەن ءۇشىن­شى ساتىعا جايعاستى. سەرپە كوتەرۋدە قىتاي قى­­زىنىڭ جولى بول­ما­­دى. كيانگ 133 كيلونى قاناعات تۇتتى. مارينا شاينوۆا 135 كيلومەن شەكتەلدى. تسارۋ­كاەۆانىڭ 138 كيلوعا ءالى جەتتى. مانەزا ال­عاشقىدا 139 كيلونى ەڭسەرە الماعانىمەن, ەكىن­­­­شى رەت ءدال وسى سالماقتى ىرقىنا وڭاي كوندىردى. بۇل – كەمىندە قولا مەدال قورجىندا دەگەن ءسوز. الايدا بۇل ناتيجەمەن شەكتەلىپ قالۋدى ءجون كور­­­­مە­گەن قازاق­ستاندىق زىلتەمىرشى 147 كيلوعا تاپ­سىرىس بەردى. وسى كەزدە بۇكىل زال ىشتەي تىن­دى. ەگەر مايا بۇل سالماقتى باسىنان اسىرسا, الەمدىك رەكورد ءتورت كيلوعا جاڭارادى. ءبىزدىڭ مانەزا تاۋەكەلگە بەل بۋىپ, زىلتەمىردى موي­نىنا دەيىن جەتكىزدى دە, ونى جەرگە تاستاي سالدى. ونىڭ نە سەبەپتى وسىنداي ارەكەتكە بار­عانى بىردەن بەلگىلى بولدى. زىلتەمىردىڭ ءبىر باسىنا ارتىق سالماق قوسىپ جىبەرگەن ەكەن. تەپە-تەڭ­­­دىكتىڭ ساقتالماۋى سالدارىنان ءبىزدىڭ سپورتشى ءمۇلت كەتتى. سول كەزدە قازىلار زىلتەمىردىڭ ءبىر باسىنا ارتىق سالماق قوسىلىپ كەتكەنىن بايقاما­عا­­­نىن ايتىپ, مايانى تاعى دا ورتاعا شىعاردى. بۇل جولى وتانداسىمىز رەكوردتىق سالماقتى ىرقىنا كوندىردى. بىراق, سپورت كەشەنىنە جي­نالعان ءدۇيىم جۇرت دۋ قول شاپالاقتاپ, قايسار قىزعا قۇرمەت كورسەتىپ جاتقاندا, جۇرگىزۋشىنىڭ «بۇل ارەكەت ەسەپكە الىنبايدى» دەگەن اششى دا­ۋىسى ەستىلدى. بارلىعى اڭ-تاڭ. جانكۇيەر­­لەر­دىڭ قۋانىشى سۋ سەپكەندەي باسىلدى. تورە­­شى­­لەر وزدەرىنىڭ بۇل شەشىمىن: «قازاقستان سپورت­شىسىنىڭ زىلتەمىردى كوتەرۋ بارىسىندا قولى قايىسىپ كەتتى. ءسويتىپ, ەرەجە بۇزىلدى», – دەپ ءتۇسىندىردى. وسىلايشا قا­زىلاردىڭ قيتۇرقى ويىنىنىڭ سالدارىنان مانەزا قولدا تۇرعان التىننان ايىرىلدى. وتكەن جو­لى ءزۇلفيا چين­­­­­شالونىڭ التىن جۇلدەنى جە­ڭىپ, قۇرمەت تۇعىرىنا كوتەرىلگەندە, ۇيىمداس­تى­رۋشىلار ەلى­مىزدىڭ ەسكى ءانۇرانىن قويىپ, ءبارى­مىزدى تاڭ­عال­دىرعان ەدى. ەندى مىنە, قازىلار جاعى قازاق­ستان قۇراماسىنا تاعى قيتۇرقى ارەكەت جاساپ, مانەزانىڭ قارا تەرمەن جەڭىپ العان التىن جۇلدەسىن تارتىپ الىپ وتىر. ءسويتىپ, بۇعان دەيىن الەمنىڭ ەكى دۇركىن چەمپيونى اتانعان مايا مانەزا بۇل جولى كۇمىس مەدالدى قاناعات تۇتتى. ونىڭ كورسەتكىشى – 248 (109+139) كيلو. ال باس جۇلدەنى سۆەتلانا تسارۋكاەۆا يەلەندى. رەسەي قىزىنىڭ ناتيجەسى – 255 (117+138) كيلو. 246 (113+133) كيلولىق كورسەتكىشپەن قى­تاي­لىق حيوفانگ كيانگ قولا مەدالدى ەنشىلەدى. سارسەنبى كۇنى 69 كيلو سالماق دارەجە­سىن­دەگى يرينا نەكراسوۆا مەن جازيرا جاپارقۇل جارىس جولىنا شىقتى. الداعى كەزدە دە چەم­پيوناتتىڭ قىزىعى ەش كەمىمەيدى. ويتكەنى, باق سىناۋعا بەل بۋعان اتاقتى اۋىر اتلەتتەردىڭ قاتارى قالىڭ. ولاردىڭ اراسىندا وليمپيا ويىندارى مەن الەم چەمپيوناتتارىندا اتوي سالعان ساڭلاقتار دا جوق ەمەس. ال قازاق­ستان­دىق جانكۇيەرلەر ءوز كەزەگىندە اننا نۇرما­عام­بەتوۆا (63 كگ), سۆەتلانا پودوبەدوۆا (75 كگ), الەكساندرا ابورنەۆا (+75 كگ), كيريلل پاۆلوۆ (77 كگ), ۆلاديمير كۋزنەتسوۆ (85 كگ), يليا يلين (94 كگ), الماس وتەشەۆ (94 كگ), سەرگەي يستومين (105 كگ), ۆلاديمير سەدوۆ (105 كگ), دميتري كاپلين (+105 كگ) جانە الەكساندر زاي­چي­كوۆ­تىڭ (+105 كگ) ونەرلەرىن تاماشالايتىن بولادى. داستان كەنجالين.