تاۋەلسىزدىك قۇرداستارىمەن كەزدەسۋ

ەلىمىزدىڭ بارلىق ايماقتارىنان كەلگەن تاۋەل­سىز­دىك قۇرداستارى «نۇر وتاننىڭ» ورتالىق اپپ­ا­را­تىندا وتكەن كەزدەسۋدىڭ كەيىپكەرلەرىنە اينالدى. ولاردىڭ ىشىندە جاس بولعانىنا قاراماستان بۇگىننىڭ وزىندە قانداي دا ءبىر سالادا ءوزىن ۇزدىك كورسەتە العان مەملەكەتتىك ماراپاتتاردىڭ يەگەرلەرى, عىلىمي جۇمىستاردىڭ اۆتورلارى, ەسىمى جۇرتقا تانىلعان سپورتشىلار بار. كەزدەسۋدىڭ اشىلۋىندا ءسوي­لەگەن سوزىندە پارتيا ءتور­اعا­سى­نىڭ ءبىرىنشى ورىنباسارى نۇر­­لان نىعماتۋلين ەلىمىز جيىرما جىل­دا وراسان زور جەتىستىكتەرگە قول جەتكىزگەنىن ايتىپ ءوتتى. «ءبۇ­گىنگى كەزدەسۋگە قاتىسىپ وتىرعان جاس­تار­عا قاراپ, ءبىز تاۋەل­­سىزدى­گىمىز بار­شا قازاقستاندىقتارعا ۇلكەن مۇمكىندىكتەر بەرگەنىن كو­رىپ وتىر­مىز. سەبەبى, ەلىمىزدە جاس­تاردىڭ ءوز الەۋەتىن ىسكە اسى­رۋىنا بار­­لىق جاعدايلار جاسال­عان. بۇل – ەڭ الدىمەن, ەلبا­سىمىز, «نۇر وتان» پارتيا­سى­نىڭ توراعاسى نۇرسۇلتان نازار­باەۆتىڭ 20 جىل بويى جۇرگىزىپ وتىرعان ساياسا­تى­نىڭ ارقاسىندا مۇمكىن بولعانى ءسوزسىز», – دەدى پارتيا توراعا­سى­نىڭ ءبىرىنشى ورىنباسارى. كەزدەسۋگە قاتىسقانداردىڭ ىشىندە ماتەماتيكالىق وليمپيا­دالاردىڭ بىرنەشە مارتە التىن جۇلدەگەرى سانجار ورازباەۆ پەن مەملەكەت باسشىسى نۇرسۇلتان نازارباەۆتىڭ قولىنان ءىىى ءدا­­­رە­جەلى «ايبىن» وردەنىن العان ەربول وتارباەۆ سياقتى جاستار بار. ەربول ارقاشان ەلباسىنىڭ, «نۇر وتان» پارتياسىنىڭ جاس­­­تار­عا دەگەن قامقورلىعىن سەزىنەتىنىن ايتا كەلە, ءوزىنىڭ اسكەري قىزمەتىندە ودان دا جوعارى جە­ڭىستەرگە جەتۋگە دايىن ەكەنىن ايتتى. ءمادي جۇمابەكوۆ كەزدەسۋگە قاتىسۋشىلاردىڭ ءبىرى, 20 جا­­­سىن­دا-اق ول كۇرىش وندىرۋمەن اي­نالىساتىن شارۋا قوجالى­عى­نىڭ جەتەكشىسى بولدى. بيىل وسى داقىلدىڭ ءار گەكتارىنان 50 تسەنت­نەردەي ءونىم العان. جينالعانداردىڭ ىشىندە ەلى­­مىزدىڭ تانىمال سپورتشىلارى دا بار. مىسالى, كوركەم گيمناستيكا بويىنشا حالىقارالىق سانات­تاعى سپورت شەبەرى, XVI جازعى ازيا ويىندارىنىڭ چەمپيونى مارينا پەتراكوۆا جانە سامبودان الەم جانە ازيا چەمپيونى ءدىلبار ومىراليەۆا. بۇل قىزدار­دىڭ 20 جاسىندا ماقتان ەتەر جەتىستىكتەرى از ەمەس. سەبەبى, ولار­­­دىڭ ەسىمدەرى تەك قازاقستانعا عانا ەمەس, بۇكىل الەمگە تانىل­­­عان. ءدىلباردىڭ ايتۋىنشا, حا­­لىق­ارالىق تۋرنيرلەرگە قاتىس­­قان كەزدە ءوز ەلىن, ءوز پرەزيدەنتىن ەرەكشە ماقتان ەتەدى. 1991 جىلى دۇنيەگە كەلگەنى ول ءۇشىن زور ماقتانىش. قازاقستاننىڭ بو­­­لاشاعى ءۇشىن باسقالاردان كو­بىرەك ەڭبەك ەتىپ, ۇلەس قوسۋدى ءوز ماقساتىم دەپ سانايدى ءدىلبار. كەزدەسۋ وتە قىزىقتى ءوتتى. پارتيا توراعاسىنىڭ ءبىرىنشى ور­­­­ىنباسارى نۇرلان نىعما­تۋ­لين تاۋەلسىزدىك قۇرداستارىنا ەس­­­تەلىك سىيلىقتار تابىس ەتتى. «ەگەمەن-اقپارات».