جاڭا ديىرمەن, ساپالى ۇن

ەكىباستۇزعا جولساپارمەن با­رىپ قايتتىق. ونسىز دا ءوندىرىس ورىندارى قالىڭ شوعىرلانعان  كەنشىلەر قالاسىندا شاعىن كا­سىپ­ورىنداردىڭ دا سانى ارتىپ,  قاشاندا تىنىمسىز قالىپتا. سولاردىڭ قاتارىندا, وسىدان ەكى ايداي ۋاقىت بۇرىن ءوندىرىسى تۇگەلىمەن تۇرىك تەحنولوگياسىنا نەگىزدەلىپ جاسالعان  ديىرمەن كەشەنى اشىلىپتى. كەشەن باسشى­سى  قۋانىش توقبەردينوۆتىڭ اي­تۋىنشا, ديىرمەنگە تۇسەتىن بيدايدان ساپالى ۇن شىعاراتىن بۇل  قۇرال-جابدىقتاردى  «قازاگرو­قارجى» اق-تىڭ ليزينگىسى بويىن­شا ساتىپ الىپتى. ال, بۇ­عان دەيىن قالادا ناۋبايحانا­لاردى ۇنمەن قامتاماسىز ەتۋدە كەزدەسكەن قيىنشىلىقتار دا بولعانى بەلگىلى. ياعني, شەتتەن ۇن تاسۋشىلار باعانى وزدەرىنشە بەلگىلەپ اكەلەتىنى دە ءسوزسىز. قازىر ديىرمەن باسىندا قىزۋ جۇمىس. بيدايدى تازالاۋ, جۋ, تارتۋ, قاپقا وراۋ سياقتى جۇمىس­تاردىڭ ءبارى تەحنيكانىڭ قولىن­دا, تەك ءىس تەتىگىن بىلسەڭ بولدى. قاپشىق-قاپشىق ۇن تاسىعان جىگىتتەر. قاپشىقتاردا  «ەركەن» شارۋا قوجالىعى دەپ تارتىلعان ۇننىڭ قاي جەردەن  شىققانى, يەسى كىم ەكەنى جازىلعان. قۋانىش­تىڭ شارۋا قوجالىعى بيداي وسىرۋمەن اينالىسادى. ديىرمەندە  تاۋلىگىنە 45 توننا بيداي تارتى­لادى. كەشەن باسشىسى بىزگە جاڭا زامان ديىرمەندەرى قالاي جۇمىس جاسايتىنىن كورسەتىپ, كەشەن ءىشىن ارالاتىپ شىقتى. – جالپى, وسىنداي كەشەن اشۋعا مەملەكەت تاراپىنان قول­داۋ كورسەتىلدى. بارلىعى 24 ميلليون 500 مىڭ تەڭگە قارجى الدىق. ليزينگكە جەتى جىل مەرزىمگە, 4 پايىز وسىممەن بەرىلدى. جاز بويى كەشەننىڭ  قۇرىلىسىن جۇرگىزدىك,– دەيدى قۋانىش. سونىمەن, قازىر ديىرمەندە وتكەن جىلعى جينالعان بيداي تارتىلۋدا. مۇنىڭ ءبىر سەبەبى,  ديىرمەنشىلەردىڭ پىكىرى بويىنشا, ءبىراز ۋاقىت ساقتالعان بيدايدىڭ ساپاسى جوعارى بولىپ كەلەتىن كورىنەدى.تۇرىك تەحنولوگياسىمەن قۇرىلعان  ديىرمەننىڭ ءوندىرىس جۇيەسى 3-4 ادامعا عانا ارنالعان, اۆتوماتتى تۇردە جۇمىس جاسايدى. بارلىق جۇمىسشىلاردى قوس­قاندا 10-شاقتى ادام ەڭبەك ەتەدى. باسەكەلەستىكتە الدىڭعى ورىنعا شىعۋ ءۇشىن قۋانىش باسقاراتىن ديىرمەن ۇننىڭ ساپاسىنا كوڭىل بولۋدە. قازىر قالالىق اكىمدىك  ۇن ساتۋ ءۇشىن كوممۋنالدىق بازاردان ارنايى ورىن  دا ءبولىپ بەرىپتى. ءبىرىنشى سۇرىپتى ۇن باعاسى 44 تەڭگەدەن وتۋدە. ال, ناۋبايحانا­لارعا ءبىر كيلوسى 40 تەڭگەدەن ساتىلادى. قۋانىش ءوز قىزىنىڭ ەسىمىنە وراي وزدەرى  شىعاراتىن ءارتۇرلى سۇرىپتى ۇنعا «لەيلا» دەگەن اتاۋ قويىپتى. وسى «لەيلا» دەگەن اتاۋى بار ۇنداردى 5 كيلودان باستاپ, 50 كيلوعا دەيىن سالماعىنا قاراي ولشەپ,  ارنايى قاپتارمەن شىعارادى. بيدايدىڭ ساپاسى كەشەندەگى زەرتحانادا باقىلانادى. مۇندا قۋانىشتىڭ كەلىنشەگى جۇمىس جاسايدى. ءبىر قاراعاندا وتبا­سىلىق  شاعىن كاسىپكەرلىك دەۋگە دە بولادى. «لەيلا» اتاۋى بار قاپ-قاپ ۇندار ەكىباستۇزدان تىسقارى, باياناۋىلعا, باسقا دا اۋىلدارعا جونەلتىلەدى. – الداعى ۋاقىتتا جۇ­مىسى­مىز جولعا ءتۇسىپ كەتسە, كەشەن جانىنان ناۋ­بايحانا, ماكارون تسە­حىن دا اشۋ ويى­مىز­دا بار, – دەيدى قۋانىش. فاريدا بىقاي. ەكىباستۇز.