مۇگەدەكتەر مۇددەسى ەسكەرىلسە يگى

قوعام نازارىن ايرىقشا قاجەت ەتەتىن ازاماتتار جونىندە ايتىلسا, ءمۇم­كىن­دىگى شەكتەۋلى جاندار الدىمەن ويعا ورا­لا­تىنى راس. بۇگىندە قازاقستاندا مۇنداي ازاماتتاردىڭ سانى 563 مىڭنان اسىپ جى­عى­لىپ وتىر. ال سول قامكوڭىل جان­دارعا ءمۇ­سىركەي قاراعاننان گورى, ولاردىڭ قو­عام­داعى بەلسەندىلىگىن مەيلىنشە ارتتىرۋ مەم­لەكەتتى مازالايتىن ماڭىزدى ماسە­لە­نىڭ قاتارىندا بولۋى ءتيىس. پارلامەنت سە­ناتى دەپۋتاتتارىنىڭ مەملەكەتتىك ورگاندار مەن ۇكىمەتتىك ەمەس ۇيىمدار وكىل­دە­رىمەن كەزدەسۋىندە تالقىلانعان ماسەلەنىڭ توركىنى وسىعان سايدى. پارلامەنتتىڭ جوعارى پالاتاسىنىڭ الەۋمەتتىك-مادەني دامۋ كوميتەتىنىڭ تىكەلەي ۇيىتقى بولۋىمەن ۇيىمداس­تى­رىل­عان ءىس-شارا اياسىندا «قازاقستان رەسپۋب­لي­كاسىنداعى مۇگەدەكتەردى الەۋمەتتىك قور­عاۋ تۋرالى» زاڭدى جانە قازاق­ستان­داعى مۇمكىندىگى شەكتەۋلى جانداردىڭ ءومىر ساپاسىن ارتتىرۋ مەن قۇقىعىن قام­تاما­سىز ەتۋ جونىندەگى ۇلتتىق جوسپار جوبا­سىن جۇزەگە اسىرۋ بارىسى قارالدى. الەۋمەتتىك-مادەني دامۋ كوميتەتىنىڭ توراعاسى احان بيجانوۆ جيىندى اشا كەلە, مۇگەدەكتەردىڭ قوعامدىق ومىرگە ارا­لاسۋىنا جاعداي جاساپ, تەڭ مۇمكىندىك بەرۋدىڭ, الەۋمەتتىك قولداۋ مەن ولاردى كاسىبي تۇرعىدا قايتا بەيىمدەۋدىڭ وزىندىك جۇيەسىن قالىپتاستىرۋدىڭ ماڭىزدىلى­عى­نا توقتالدى. سەناتور ەلىمىزدەگى 563 مىڭ­نان استام مۇمكىندىگى شەكتەۋلى جاندار ەل تۇرعىندارىنىڭ جالپى سانىنىڭ 3 پايىزدايىن قۇراپ وتىرعانىن ايتا كەلە, بۇل جاندارعا الەۋمەتتىك تۇرعىدا قولداۋ كورسەتۋ ءۇشىن نورماتيۆتىك-قۇقىقتىق با­زا­نىڭ نەگىزى قالانعانىن, بۇل زاڭناما تۇرعىنداردىڭ ەڭبەككە قابىلەتتىلىگىنەن ايىرىلۋ قاۋپىن الدىن الۋعا, مۇمكىندىگى شەكتەۋلى جانعا اينالعانداردى قولداۋ مەن قورعاۋدى قامتاماسىز ەتۋگە باعىت­تالعانىن تىلگە تيەك ەتتى. بىلتىرعى جىلى مەملەكەت بيۋدجەتىنەن مۇگەدەكتەردى الەۋمەتتىك قولداۋعا ءبو­لىنگەن قارجى 128 ميلليارد تەڭگەنى قۇ­راپتى. الايدا, مەملەكەت قابىلداعان ءىس-شارالارعا قاراماستان, كۇنى-بۇگىنگە دەيىن شەشىمىن تاپپاعان ماسەلەلەر بار. ءما­سە­لەن, مۇگەدەكتەردى ەڭبەككە ورنالاس­تى­رۋدا كەزدەسەتىن قيىندىقتاردان بولەك, ولار­دىڭ ينفراقۇرىلىمدارعا قول جەتكىزۋىن قامتاماسىز ەتۋ جونىندەگى جۇمىستار دا ءوز دەڭگەيىندە ەمەس. كەزدەسۋدە ءسوز العان ەڭبەك جانە حا­لىقتى الەۋمەتتىك قورعاۋ ءمينيسترى گۇل­شارا ابدىحالىقوۆا مۇگەدەكتەردى الەۋ­مەت­تىك قورعاۋ سالاسىندا اتقارىپ جاتقان جۇمىستار تۋرالى دەپۋتاتتاردى حاباردار ەتتى. مينيستر ءوز سوزىندە قازاقستانداعى مۇگەدەكتەر قۇقىقتارىن قامتاماسىز ەتۋ جانە ءومىر ساپاسىن جاقسارتۋ جونىندەگى ۇلتتىق جوسپار جوباسى اياسىندا مۇگە­دەك­تەردى اينالاداعى ورتاعا, ينفراقۇرىلىم نىساندارىنا, كولىك, اقپارات جانە باي­لا­نىسقا, ءبىلىم بەرۋگە, دەنساۋلىق ساقتاۋعا, الەۋمەتتىك قىزمەت كورسەتۋ ىسىنە بىردەي قول جەتكىزۋىن قامتاماسىز ەتۋ شارالارى جۇزەگە اسىرىلىپ جاتقانىن اتاپ ءوتتى. بۇل كۇنگى تالقىلاۋ بارىسىندا قۇ­رى­لىس جانە تۇرعىن ءۇي-كوممۋنالدىق شا­رۋا­شىلىعى ىستەرى اگەنتتىگىنىڭ باسشىسى س.نو­كين, كولىك جانە كوممۋنيكاتسيا مي­نيس­ترى­نىڭ ورىنباسارى ر.سكليار, بايلانىس ءجا­نە اقپارات ءمينيسترىنىڭ ورىنباسارى س.ءسار­سە­نوۆ, استانا قالاسى, اقتوبە جانە اقمولا وبلىستارى اكىمدىكتەرىنىڭ وكىلد­ە­رى, ۇكىمەت­تىك ەمەس سەكتوردىڭ اكتيۆتەرى ءسوز سويلەدى. ءلايلا ەدىلقىزى.