يندۋستريالىق-يننوۆاتسيالىق قىزمەتتى قولداۋ جاندانا تۇسەدى

كەشە پارلامەنت ءماجىلىسىنىڭ كەزەكتى جالپى وتىرىسى بو­­لىپ, ونى پالاتا توراعاسى ورال مۇحامەدجانوۆ اشىپ, ءجۇر­گىزىپ وتىردى. توعىز ماسەلە ەنگىزىلگەن كۇن ءتارتىبىنىڭ جوباسى ءبىراۋىزدان قابىلداندى. سونىڭ ىشىندە ەڭ ماڭىزدىسى «يندۋستريالىق-يننوۆاتسيالىق قىز­مەتتى مەملەكەتتىك قولداۋ تۋ­را­لى» زاڭ جوباسى ەكەنى كورىنىپ تۇر­دى. ول ءبىرىنشى وقىلىمدا ما­قۇلداندى. زاڭ جوباسى بويىنشا بايانداما جاساعان يندۋستريا جانە جاڭا تەحنولوگيالار ءمينيسترىنىڭ ءبىرىنشى ورىنباسارى البەرت راۋ قا­بىلداناتىن زاڭناما ءوندىرىستى يندۋستريالاندىرۋ ءىسىن دامىتۋعا, عىلىمي, ەكولوگيالىق تازا جانە باسەكەگە قابىلەتتى جوعارى تەحنو­لوگيالاردى ەنگىزۋگە ىنتالان­دى­را­دى, دەدى. سونىمەن بىرگە زاڭ جوباسى يندۋستريالىق-يننوۆا­تسيا­لىق شاعىن جانە ورتا بيزنەستى قۇرۋعا مۇمكىنشىلىك بەرىپ, اي­ماق­تاردىڭ كەشەندى جانە ءتيىمدى دا­مۋىنا ءوز ۇلەسىن قوسادى. زاڭ جو­باسىن تالقىلاۋ بارىسىندا جۇ­مىس توبىنىڭ وتىرىستارىنا قا­تىس­قان دەپۋتاتتار وزدەرىنىڭ ءتۇ­زەتۋلەرى مەن تولىقتىرۋلارىن ايت­­­­تى. سونىڭ ىشىندە جەر ۇلەس­تەرى كونكۋرسسىز بەرىلەتىن يندۋس­تريا­­­­­لىق-يننوۆاتسيالىق سۋبەكتى­لەردى انىقتاۋ بويىنشا قوسىم­شالار ەن­­گ­ىزدى, دەدى ۆيتسە-مينيستر. سول ار­­­قىلى زاڭ جوباسى مەملەكەتتىك ورگاندار مەن يندۋس­تريا­لىق-يننو­­­­ۆاتسيالىق قىزمەت سۋب­ەك­تىلەرىنىڭ اراسىندا تۋىنداي­تىن قوعامدىق قاتى­ناستاردى رەتتەيدى دەي كەلىپ ا.راۋ اعىمداعى جاعدايلاردى باعالاۋ نەگىزىندە جانە ەلدىڭ ەكونوميكالىق دامۋى­نىڭ ۇزاق مەرزىمدى ماقساتتارىنا قول جەتكىزۋ ءۇشىن يندۋستريالىق-يننوۆاتسيالىق قىز­مەت­تى مەملەكەتتىك رەتتەۋ ماسەلەلەرىمەن تىكەلەي نەمەسە جاناما قيىلىساتىن قا­­زاقستان رەسپۋبليكاسىنىڭ كەيبىر زاڭ­نامالىق اكتىلەرىنە دە وزگەرىستەر مەن تولىقتىرۋلار ەنگىزۋ قاجەتتىگىن اتاپ ءوتتى. ءسويتىپ, ىلەسپە زاڭ جوباسى بوي­ىن­شا جەر جانە سالىق كودەكستەرىنە, سون­داي-اق «قازاقستان رەسپۋبلي­كا­سىنداعى جەرگىلىكتى مەملەكەتتىك ءوزىن-ءوزى باسقارۋ تۋرا­لى», «اكتسيونەرلىك قوعامدار تۋرا­لى», «ساۋدا قىزمەتىن رەتتەۋ تۋرالى», «كون­تسەسسيالار تۋرالى», «مەملەكەتتىك ساتىپ الۋ تۋرالى», «ءبىلىم تۋرالى», «ۇلتتىق ءال-اۋقات قو­رى تۋرالى», «جەر قويناۋى ءجا­نە جەر قويناۋىن پايدالانۋ تۋ­رالى» زاڭدارىنا تولىقتىرۋلار ەنگىزىلەدى. ءبىراز دەپۋتاتتار سۇ­راق­تار بەرىپ, كەيبىر ءما­­سەلەلەردى انىقتاعان سوڭ ەكى زاڭ جو­­باسى دا ءبىرىنشى وقىلىمدا ما­قۇلداندى. مادەنيەت ءمينيسترى مۇحتار قۇل-مۇحاممەد «ماتەريالدىق ەمەس مادەني مۇرانى قورعاۋ تۋ­رالى كونۆەنتسيانى راتيفيكاتسيالاۋ تۋرالى» زاڭ جوباسى ءجو­نىندە بايانداما جاسادى. دەپۋتاتتار بۇل ماسەلەنى تالقىلاۋعا دا قىزۋ قا­تىسىپ, كوپتەگەن سۇراقتار بەردى. بايان­داماشى قازاقتىڭ دومبى­را جانە قو­بىزبەن ور­ىندالاتىن كۇي ونەرىن, ايتىس­تى, ورىن­داۋ­شى­لىق شەبەرلىكتەر جانە ت.ب. تولىپ جاتقان ماتەريالدىق ەمەس مۇ­راسىن وسى زاڭ جوباسىن قا­بىلداپ, كون­ۆەن­تسيانى راتيفيكا­تسيا­لاعان سوڭ يۋنەسكو-نىڭ قور­عاۋىنا الدىرامىز دەگەن سوڭ دەپۋتاتتار زاڭ جوباسىن قىزى­عۋ­شى­لىقپەن ماقۇلدادى. كونۆەن­تسيا­نىڭ ءوزى 2003 جى­لى 17 قا­زاندا پاريجدە قابىل­دان­عان. سونىمەن قاتار وتىرىستا «قا­­زاق­­ستان رەسپۋبليكاسىنىڭ كەيبىر زاڭناما­­لىق اكتىلەرىنە زياتكەرلىك مەنشىك ماسە­لە­­لەرى بويىنشا ءوز­گەرىستەر مەن تولىق­تى­­رۋلار ەنگىزۋ تۋرالى» زاڭ جوباسى ەكىنشى وقى­لىمدا دەپۋتاتتار تالقى­سى­نا شى­­عارىلدى. جۇمىس توبىندا قا­رالعان ءما­سە­لەلەر جانە جاڭادان ەنگىزىلگەن ءتۇ­زە­تۋلەر تۋرالى ءما­جى­لىستىڭ زاڭ­نا­ما جانە سوت-قۇ­قىق­تىق رەفورما كومي­تەتىنىڭ ءمۇ­شەسى زاعيپا باليەۆا بايانداپ ءوت­تى. زاڭ جوباسىندا زياتكەرلىك مەن­شىك قۇقىق­تارى ماسەلەلەرىن رەتتەيتىن قا­زاقستان رەسپۋبليكا­سىنىڭ قولدانىستا­عى زاڭنا­ما­­لىق اكتىلەرىنە وزگەرىستەر مەن تو­لىق­­تىرۋلار ەنگىزۋ كوزدەلگەن. زاڭ جو­با­سىن­دا قاراستىرىلىپ وتىر­عان, باسقا زاڭ­نا­مالىق اكتىلەرگە ەنگىزىلەتىن تۇزە­تۋلەر ىشكى قايشى­لىقتاردى جويۋعا, پاتەنتتىك سەنىم بىلدىرىلگەن وكىلدەر مارتە­بەسىن زاڭ جۇزىندە بەكىتۋگە, سون­داي-اق ونەركاسىپتىك مەنشىك وبەكتى­لە­رى­نە وتىنىمدەردى قاراۋ مەرزىمىن قىس­قارتۋعا باعىتتالعان. قارالعان ماسەلەلەردىڭ ارا­سىن­­دا پارلامەنت ءماجىلىسىنىڭ رەگ­لا­مەنتىنە وزگە­رىس­ت­ەر مەن تو­لىق­تى­رۋلار ەنگىزۋ, «2012-2014 جىل­دار­عا ارنالعان رەسپۋبلي­كا­لىق بيۋد­جەت تۋرالى» قازاقستان رەسپۋبلي­كا­سى زاڭىنىڭ جوبا­سى­نا قازاق­ستان رەس­پۋب­ليكاسى پار­لا­مەنتىنىڭ سەناتى ەنگىزگەن وزگە­رىستەر مەن تو­لىقتىرۋلاردى قا­راۋ دا ەنگىزىلگەن ەكەن. بۇل ماسە­لە­لەر پالاتا دە­پۋ­­تاتتارى تارا­پى­­نان قولداۋ تاپتى. جاقسىباي سامرات.