نۇروتاندىقتار قاتارى تولىعا ءتۇستى

ەلىمىزدىڭ ەڭ مەرەيلى مەرەكەسى – تاۋەلسىزدىگىمىزدىڭ 20 جىلدىعى قارساڭىندا ايماق­تىڭ ابىرويلى دا تانىمال ازا­ماتتارى «نۇر وتان» حا­لىقتىق-دەموكراتيالىق پارتياسىنىڭ قاتارىنا وتۋگە ءوتىنىش-تىلەكتەرىن كوپتەپ بىلدىرۋدە. سونىڭ ناتيجەسىندە, وب­لىستاعى پارتيا مۇشەلە­رى­نىڭ سانى وتكەن جىلدىڭ وسى مەرزىمىمەن سالىستىرعاندا 1,5 ەسەگە ءوسىپ, وسى جىلدىڭ ون ايىندا 2781 ادام مۇشە­لىككە ءوتتى. بۇل «نۇر وتان­نىڭ» جەتەكشى, ناعىز حالىق­تىق پارتيا ەكەندىگىنىڭ ءبىر كورىنىسى دەۋگە بولادى. كەشە «نۇر وتان» حدپ وب­لىستىق فيليالىنىڭ ءتور­اعا­سى, وبلىس اكىمى قىرىمبەك كوشەرباەۆ ايماققا اتى ءمالىم 20 ازاماتقا پارتيا بيلەتتەرىن سالتاناتتى تۇردە تاپسىردى. ولاردىڭ اراسىندا بوكستان الەم چەمپيوناتىنىڭ كۇمىس ءجۇل­دەگەرى ءا.نيازىمبەتوۆ, بەكەت اتا ۇرپاعى, زەينەتكەر ب.ءسان­دىبەك ۇلى, عىلىم دوكتورى ا.دەمەۋوۆا, قازاقتىڭ تۇڭعىش كونتر-ادميرالى ر.كومراتوۆ, «ماڭعىستاۋمۇنايگاز» اق-تىڭ باس ديرەكتورى ءا.ماعاۋوۆ, وب­لىس اكىمىنىڭ ورىنباسارى ب.پاريتوۆ, جاس اقىن ب.جايلاۋ جانە باسقالار بار. وسى سالتاناتتى ساتتە ءپىر بەكەت اتانىڭ ۇرپاعى بەردىحان ساندىبەك ۇلى ءسوز الدى. «مەن ءبۇ­گىن ءوزىمنىڭ 80 جىلدىق ءومى­رىمدە تاريحي ءساتتى باستان كەشىپ تۇرمىن. ەلىمنىڭ ەڭ ۇلى تويى تاۋەلسىزدىگىمىزدىڭ 20 جىلدى­عى قارساڭىندا ۇلت كوش­باس­شىسى نۇرسۇلتان نازارباەۆ باسقاراتىن پارتيا قاتارىنا قابىلداندىم. مەن بۇل جي­نا­لىسقا بەكەت اتامنىڭ قاسيەتتى كوك اساسىن الىپ كەلدىم. بۇل اتا رۋحى قازاق حالقىن, ەل­باسىن, ونىڭ سارابدال سايا­سا­تىن جەمىستى جۇرگىزىپ كەلە جاتقان «نۇر وتان» پارتيا­سىن ءاردايىم قولداپ, قورعاپ ءجۇرسىن دەگەن نيەتىم. تاۋەلسىز ەلىمىزدىڭ تۇعىرى بەرىك بولىپ, كوك بايراعى بيىكتە جەلبىرەي بەرسىن! بارشامىزدى ءپىر بەكەت اتانىڭ ارۋاعى قولداسىن» دەگەن اق تىلەگىن ءبىلدىردى. جولامان بوشالاق. اقتاۋ. ------------------------------- سۋرەتتە: ءپىر بەكەت اتا ۇرپاعى ب.ساندىبەك ۇلى.