اراب ەلدەرىنىڭ باسشىلارى اقش پرەزيدەنتىنەن ايماقتاعى شيەلەنىستى ارتتىرۋى مۇمكىن شەشىمدى كەيىنگە قالدىرۋىن سۇراعان ەدى. ال اق ءۇي وكىلدەرىنىڭ ايتۋىنشا, يەرۋساليمدە ەلشىلىكتىڭ عيماراتى تاڭدالماعان, ياعني, بۇل پروتسەسكە بىرنەشە جىل كەتۋى مۇمكىن. سوندىقتان ترامپ مەملەكەتتىك دەپارتامەنتكە ەلشىلىكتى يەرۋساليمگە كوشىرۋ پروتسەسىن باستاۋدى سۇرادى, بىراق كونگرەسكە ەلشىلىكتى كوشىرۋدى 6 ايعا شەگەردى. 1995 جىلى كونگرەسس ەلشىلىكتى كوشىرۋ تۋرالى شەشىم قابىلداعاننان كەيىن اقش-تىڭ بارلىق پرەزيدەنتتەرى بۇل قۇجاتقا ءار 6 اي سايىن قول قويىپ كەلەدى.
يەرۋساليمنىڭ ستاتۋسى - يزرايل مەن اراب كورشىلەرىنىڭ اراسىنداعى ەڭ وتكىر ماسەلەلەردىڭ ءبىرى. يزرايل يەرۋساليمدى استاناسى رەتىندە اتاپ جۇرگەنىمەن, پالەستينا شىعىس يەرۋساليم بولاشاق مەملەكەتتەرىنىڭ استاناسى بولادى دەپ سەنەدى. ءبىر ايتا كەتەرلىگى, اقش يەرۋساليمدى يزرايل استاناسى رەتىندە مويىنداعان ءبىرىنشى مەملەكەت.
ەستەرىڭىزگە سالا كەتسەك, كەشە سايتىمىزدا ترامپتىڭ يزرايلدەگى اقش ەلشىلىگىن يەرۋساليمگە كوشىرەتىنى تۋرالى كولەمدى ماقالا جاريالانعان بولاتىن.
