كەزدەسۋ بارىسىندا ىنتىماقتاستىقتى ودان ءارى نىعايتۋ جانە يندۋستريالاندىرۋ جانە اتوم ونەركاسىبى سالاسىندا جاڭا ينۆەستيتسيالىق جوبالاردى ىسكە اسىرۋ ماسەلەلەرى تالقىلاندى, دەپ حابارلايدى ۇكىمەتتىڭ ءباسپاسوز قىزمەتى.
ايتا كەتەيىك, Cathay Industrial Biotech كومپانياسى 1997 جىلى قۇرىلعان. قازاقستاندا كومپانيا بيوحيميالىق كلاستەر قۇرۋ جانە موديفيكاتسيالانعان تالشىقتاردى تولىق كولەمدە ءوندىرۋدى ۇيىمداستىرۋ ماسەلەلەرىن قاراستىرادى. جوبانى جۇزەگە اسىرۋعا قاجەتتى بارلىق بەس وندىرىستىك تسيكل جۇزەگە اسقان جاعدايدا, ينۆەستيتسيا كولەمى شامامەن $10 ملرد قۇرايدى جانە 10 مىڭعا جۋىق جۇمىس ورنىن اشۋعا مۇمكىندىك بولادى.
Areva كومپانياسى بولسا فرانتسياداعى اتوم ونەركاسىبى كوشباسشىلارىنىڭ ءبىرى, فرانتسۋزدىڭ ءىرى وندىرىستىك كومپانياسى. 2016 جىلدىڭ جازىنا دەيىن يادرولىق ەنەرگيا وندىرۋگە قاتىستى بارلىق قىزمەت تۇرىنە قاتىسقان جالعىز باتىس كومپانياسى. ول, سونداي-اق, بالامالى كوزدەردەن ەلەكتر ەنەرگياسىن وندىرۋگە ارنالعان جابدىقتى ازىرلەۋمەن جانە ونى شىعارۋمەن اينالىسقان.
ال وريەل مورريسون — اۆستراليانىڭ ەڭ تابىستى بيزنەس جۋرناليستەرىنىڭ ءبىرى, بيزنەس جانە قارجى جاڭالىقتارىن جۇرگىزۋدەن ون جىلعا جۋىق تاجىريبەسى بار.
