داۋرەن اباەۆ «تسيفرلىق قازاقستان» مەملەكەتتىك باعدارلاماسى 2018-2022 جىلدارعا ارنالعانىن, جانە ول ەلىمىزدىڭ الدىڭعى قاتارلى سالالارىن تەحنولوگيالىق جاڭعىرتۋعا قوسىمشا سەرپىن بەرەتىنىن, ەڭبەك ونىمدىلىگىنىڭ ۇزاقمەرزىمدى ءارى اۋقىمدى دامۋىنا جاعداي جاسايتىنىن اتاپ ءوتتى.
باعدارلاما ونى ىسكە اسىرۋدىڭ بەس نەگىزگى باعىتىنان تۇرادى:
- «ەكونوميكا سالالارىن تسيفرلاندىرۋ»;
- «تسيفرلىق مەملەكەتكە كوشۋ»;
- «تسيفرلىق جىبەك جولىن ىسكە اسىرۋ»;
- «ادام كاپيتالىن دامىتۋ»;
- «يننوۆاتسيالىق ەكوجۇيە قۇرۋ».
وسى بەس باعىت بويىنشا 17 باستاما مەن 120 ءىس-شارا ۇيىمداستىرىلدى. 12 ماقساتتى ينديكاتور ۇسىنىلادى.
«باعدارلاما قوسىلعان قۇندى قالىپتاستىرۋ جانە ەكونوميكاداعى شىعىنداردى قىسقارتۋ تۇرعىسىنان ايتارلىقتاي الەۋەتكە يە, بۇل 2025 جىلدان باستاپ جىلىنا 4,5-5% دەڭگەيىندە ەل ءجىو-ءنىڭ ءوسۋ قارقىنىن قامتاماسىز ەتۋگە مۇمكىندىك بەرەدى, شامامەن 1,6-2,2%, ياعني, ۇشتەن ءبىر بولىگى تەك تسيفرلاندىرىلۋعا جۇمسالادى», دەدى مينيستر.
الدىن الا ەسەپتەۋ بويىنشا, 2025 جىلعا قاراي ەكونوميكانى تسيفرلاندىرۋدىڭ تىكەلەي اسەرى 1,7-2,2 ترلن تەڭگەگە قوسىمشا قۇندى قۇرۋعا مۇمكىندىك بەرەدى, بۇل 2025 جىلعا قاراي جەكە ينۆەستيتسيالاردى ەسەپكە العاندا جالپى ينۆەستيتسيالار كولەمىنە ينۆەستيتسيالاردىڭ قايتارىمىن 4,8-6,4 ەسەگە قامتاماسىز ەتەدى.
وتىرىستا ماسەلەنى قاراۋ اياسىندا «زەردە» ۇبح باسقارما توراعاسى رۋسلان ەڭسەباەۆ, ساراپشى سەرگەي پەراپەچكا ءسوز سويلەدى, سونداي-اق, تاقىرىپقا قاتىستى پرەمەر-ءمينيستردىڭ ورىنباسارى اسقار جۇماعاليەۆ تۇسىنىكتەمە بەرىپ ءوتتى.
ماسەلەنى قاراۋ قورىتىندىسى بويىنشا ۇكىمەت «تسيفرلىق قازاقستان» باعدارلاماسىنىڭ ۇسىنىلعان جوباسىن قولدادى.
