مەرەكە كەزىندە ءماجىلىس زالىندا ەلباسىنىڭ ءومىرى مەن قىزمەتىنە ارنالعان فوتوكورمەلەر, ستەندتەر قويىلدى. قاتىسۋشىلاردىڭ نازارىنا «ەلىن سۇيگەن ەلباسى» تاقىرىبىندا قىسقاشا بەينەسيۋجەتتى كورسەتىلىم كورسەتىلدى. شاراعا ىشكى ىستەر دەپارتامەنتىنىڭ بارلىق جەكە قۇرامى قاتىستى.
مەرەكەلىك شارانىڭ الدىندا قازاقستان رەسپۋبليكاسىنىڭ مەملەكەتتىك تۋى اكەلىنىپ, گيمنى ايتىلدى.
العاش قۇتتىقتاۋ ءسوزدى العان ماڭعىستاۋ وبلىسى ىشكى ىستەر دەپارتامەنتىنىڭ باستىعىنىڭ ورىنباسارى پوليتسيا پولكوۆنيگى بوكەن بەگەر ۇلى جۇماعالي ء«بىزدىڭ بابالارىمىز عاسىرلار بويى ۇشقان قۇستىڭ قاناتى تالىپ, جۇگىرگەن اڭنىڭ تۇياعى توزاتىن ۇلان-عايىر اۋماقتى عانا قورعاعان جوق. ولار ۇلتتىڭ بولاشاعىن, كەلەر ۇرپاعىن, ءبىزدى قورعادى. سان تاراپتان سۇقتانعان جۇرتقا اتامەكەننىڭ قارىس قادامىن دا بەرمەي, ۇرپاعىنا ميراس ەتتى»,-دەگەن ەلباسىنىڭ ءسوزىن كەلتىرە وتىرىپ, ىشكى ىستەر ورگاندارىندا قىزمەت ەتۋدەگى باستى ماقسات - قازاقستان دەربەس مەملەكەت بولىپ, تاۋەلسىزدىگىن جاريالاعان ساتتەن باستاپ ونىڭ تىنىشتىعىن قورعاۋعا بەرىك دەن قويىلىپ, ءتارتىپ ساقشىلارىنىڭ ەرلىك ىستەرىن كەيىنگى ۇرپاققا جەتكىزىپ, ۇلگى ەتۋ, ۇلتتىق قۇندىلىقتارىمىزدى ساقتاۋ بولىپ جالعاسىپ كەلە جاتقانىن اتاپ ءوتتى. ىشكى ىستەر ورگاندارى قىزمەتكەرلەرىنىڭ ازاماتتاردىڭ بوستاندىقتارى مەن كونستيتۋتسيالىق قۇقىقتارىن قورعاۋ جولىنداعى قىزمەتتەرىنە ساتتىلىك تىلەدى. سونىمەن قاتار, «تۇڭعىش پرەزيدەنت كۇنىنە» ارنالعان مەرەكەلىك شارا اياسىندا ءوز قىزمەتتەرىن ءمىنسىز اتقارعان ء تارتىپ ساقشىلارى دا ماراپاتتان تىس قالمادى. ءتارتىپ ساقشىلارىن ماراپاتتاۋ ءراسىمى دەپارتامەنتتىڭ كادر جۇمىسى باسقارماسى باستىعىنىڭ ورىنباسارى پوليتسيا پولكوۆنيگى مۇحتار قانعالي ۇلى ساداقباەۆقا تابىستالدى.ءتارتىپ ساقشىلارىن ماراپاتتاۋ بارىسىندا جۇرەكتەرىنە جالىن, وتانعا ادال قىزمەت ەتۋلەرىنە تىلەك ءبىلدىردى.
كەلەسى ءسوز كەزەگى ماڭعىستاۋ وبلىسى بويىنشا «دينامو» دشسق توراعاسىنىڭ ورىنباسارى يگور نيكولاەۆيچ سادىكينگە بەرىلدى. يگور نيكولاەۆيچ ەلباسىنىڭ سىندارلى ساياساتىنىڭ ارقاسىندا ىشكى ىستەر ورگاندارىندا قىزمەت ەتەتىن سپورت مايتالماندارىنىڭ ء تۇرلى رەسپۋبليكالىق سايىستارعا قاتىسۋ مۇمكىندىگىنە قول جەتكىزىپ, جۇلدەلەرمەن ورالىپ جۇرگەندىگىن ماقتانىشپەن جەتكىزدى.
پوليتسيا قىزمەتكەرلەرىنىڭ وبلىس كولەمىندە قۇقىقتىق ءتارتىپ پەن زاڭدىلىقتى نىعايتۋ, قىلمىسپەن كۇرەستە, كريمينوگەندىك احۋالدى تۇراقتاندىرۋعا قوسىپ جاتقان ۇلەستەرى مول. ەل بولاشاعى ءۇشىن ەڭسەلى ەڭبەك ەتىپ, مەرەيلى جەڭىستەرگە جەتە بەرىڭىزدەر,- دەپ اياقتادى ءسوزىن ارداگەرلەر كەڭەسىنىڭ توراعاسى ناعاشىباي ومار ۇلى جاريەۆ.
شارا سوڭى ادەمى اندەر مەن اۋەزدى كۇيلەرگە ۇلاسىپ, قاتىسۋشىلار ەلىمىزدىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ ءومىرى مەن ەڭبەك جولدارىن باياندايتىن شىعارمالارىمەن تانىستى., دەپ حابارلادى رەداكتسيا تىلشىسىنە ءىىد قىزمەتكەرى ارداقحان ناۋبەتوۆا.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
