مينسكىدەگى قىرعىزستان پرەزيدەنتىمەن كەزدەسۋ قورىتىندىسىنداعى مەملەكەت باسشىسى ن.نازارباەۆ تاپسىرماسىمەن قازاقستان ۇكىمەتى قىرعىز رەسپۋبليكاسىنىڭ ۇكىمەتتىك دەلەگاتسياسىمەن كەلىسسوزدەر جۇرگىزدى. ناتيجەسىندە ەكىجاقتى ەكونوميكالىق ىنتىماقتاستىق نەگىزىندە, سونىڭ ىشىندە شەكاراداعى احۋالدى ەسكەرە وتىرىپ جول كارتاسىنا قول قويىلدى.
جول كارتاسى ەكىجاقتى ىنتىماقتاستىق, شەكارا سالاسىنداعى بىرلەسكەن ءىس-ارەكەت, ترانسپورت, فيتوسانيتارلىق جانە ۆەتەرينارلىق باقىلاۋ, كەدەن جانە سالىق باسقارۋ بويىنشا ماڭىزدى سۇراقتاردىڭ كەشەندى شەشىمى نەگىزىندە 50 ءىس-شارادان تۇرادى.
«كورسەتىلگەن ولشەمدەر قىرعىز تاۋارلارىن ەەو نارىعىنا مۇمكىندىگىن قامتۋ ماقساتىندا ەەو نورمالارى مەن تالاپتارىنا قىرعىز ەكونوميكاسىن سايكەستەندىرۋگە ارنالعان», دەدى ا.مامين.
قىرعىز تارابى ەەو تالاپتارىنا ساي جۇزەگە اسىرۋعا جاۋاپكەرشىلىك مىندەتىن الدى. جول كارتاسىنا قول قويىلعاننان باستاپ 2017 جىلدىڭ 3 جەلتوقسانىنان باستاپ قر شەكارا قىزمەتى قازاق-قىرعىز شەكاراسىنداعى كۇشەيتىلگەن شەكارا باقىلاۋىنان كۇندەلىكتى شەكارا باقىلاۋىنا وتەتىن بولادى.
