ايماقتار • 02 جەلتوقسان، 2017

شامالعاندا «اتامەكەن» تاريحي-مادەني ورتالىعى اشىلدى

1226 رەت كورسەتىلدى

الماتى وبلىسىنىڭ قاراساي اۋدانىنداعى  شامالعان اۋىلىندا  قازاقستان رەسپۋبليكاسىنىڭ تۇڭعىش پرەزيدەنتى – ۇلت كوشباسشىسىنىڭ «اتامەكەن» تاريحي-مادەني ورتالىعى اشىلدى.

شامالعان – ەلباسىنىڭ كىندىك قانى تامعان اۋىل. الەم نازارىنداعى قازاقستاننىڭ تۇڭعىش پرەزيدەنتى ۇشقوڭىر تاۋىنىڭ ەتەگىندەگى وسى ءبىر ەتەك-جەڭى جيناقى ەلدى مەكەننەن تۇلەپ ۇشقان ەدى. بۇل اۋىلدا مەملەكەت باسشىسىنىڭ تاعىلىمدى ءومىر جولىن وسكەلەڭ ۇرپاققا پاش ەتەتىن تاريحي-ولكەتانۋ مۇراجايى 1998 جىلدان بەرى كەلۋشىلەرگە قىزمەت ەتىپ كەلەدى. ال تۇڭعىش پرەزيدەنت كۇنى مەرەكەسىنە وراي ەسىگىن ايقارا اشقان «اتامەكەن» تاريحي-مادەني ورتالىعى شامالعاندىقتار عانا ەمەس، تۇتاس ەلىمىزدىڭ ماقتانىشىنا اينالاتىن رۋحاني كەشەنگە اينالماق.

ورتالىقتىڭ اشىلۋ سالتاناتىنا قازاقستان رەسپۋبليكاسى پرەزيدەنتى كەڭسەسىنىڭ باسشىسى ماحمۇد قاسىمبەكوۆ قاتىسىپ، قۇتتىقتاۋ ءسوز سويلەدى.

– ءبىز بۇگىن تاريحي ءمانى بار ۇلكەن وقيعاعا كۋا بولىپ وتىرمىز. بۇل كۇن بارلىق قازاقستاندىقتار ءۇشىن ەلەۋلى كۇن، ويتكەنى ەلباسى نۇرسۇلتان ءابىش ۇلى نازارباەۆ – قارقىندى الەۋمەتتىك-ەكونوميكالىق جانە ساياسي دامۋى بار مەملەكەتتىڭ بىرەگەي ۇلگىسىن جاساعان زامانىمىزدىڭ تانىمال مەملەكەتتىك جانە ساياسي قايراتكەرى. ەلباسى سەكىلدى تاريحي تۇلعا - ءبىزدىڭ جاستارىمىز تەڭەلۋگە تىرىسىپ، وزدەرى ءۇشىن دۇرىس باعدار بەلگىلەۋىنىڭ، ەلىكتەۋىنىڭ ايشىقتى ۇلگىسى، ال ونىڭ يدەيالارى مەن ەڭبەگىنىڭ جەمىسى حالىق يگىلىگىنە اينالۋعا ءتيىس، - دەدى ءوز سوزىندە ماحمۇت بازارقۇل ۇلى.

ەندى ەلباسىنىڭ ءومىر جولى مەن قىزمەتىنەن تاعىلىمدى سىر شەرتەتىن كىتاپتار مەن ەكسپوناتتاردى وسى «اتامەكەن» تاريحي-مادەني ورتالىعىنان تاماشالاۋعا بولادى. قۇندى جادىگەرلەردى جيناقتاۋعا شامالعانداعى تاريحي ولكەتانۋ مۇراجايى، ورتا مەكتەپتىڭ ۇجىمى جۇمىلسا، مەملەكەت باسشىسىنىڭ جازبا ەڭبەكتەرى مەن تانىمدىق فوتوسۋرەتتەرى، ءار جىلداردا جارىق كورگەن كىتاپتارى  ەلباسى كىتاپحاناسى مەن ۇلتتىق كىتاپحانا مۇراعاتىنا الىنعان ەكەن. ال ورتالىقتىڭ اشىلۋىنا وراي قر تۇڭعىش پرەزيدەنتى قورى ورتالىقتىڭ ەكپوناتتار قورىنا مەملەكەت باسشىسى پايدالانعان ۇكىمەتتىك اۆتوكولىك تاپسىردى.

بۇل ورتالىق الماتى وبلىسىنىڭ اكىمدىگى جانە قر تۇڭعىش پرەزيدەنتى - ەلباسى قورىنىڭ قولداۋىمەن اشىلىپ وتىر. سالتاناتى شارا بارىسىندا جينالعانداردى وبلىس اكىمى اماندىق باتالوۆ قۇتتىقتاپ، «ورتالىقتىڭ التىن قورىنا جينالعان بارلىق ەكسپوناتتار ەلباسىنىڭ بالالىق شاعىنان ەگەمەن ەلدىڭ كوشباسشىسىنا اينالعانعا وسى كۇندەرگە دەيىنگى ءجۇرىپ وتكەن سارا جولىنان سىر شەرتەدى. مەنىڭ ويىمشا، بۇل ورتالىقتىڭ وسكەلەڭ ۇرپاقتى وتانسۇيگىشتىككە تاربيەلەۋدە ولاردىڭ ساناسىن جاڭعىرتۋدا وزىندىك ەلەۋلى ۇلەسى بولارى ءسوزسىز. ەندى بارشا قازاقستاندىقتاردىڭ تاراپىنان ءسوزسىز مويىندالعان ۇلت كوشباسشىسىمەن جاقىنداستىراتىن ورتالىققا اينالارىنا سەنىمدىمىن» دەدى.

ايتپاقشى، «اتامەكەن» تاريحي-مادەني ورتالىعى جەرگىلىكتى تۇرعىنداردىڭ باستاماسىمەن قولعا الىنىپ، ءوڭىر ازاماتتارىنىڭ دەمەۋشىلىگىمەن سالىندى. وسى شارادا وبلىس اكىمى عيمارتتىڭ اشىلۋىنا مۇرىندىق بولعان بارشا ازاماتتارعا قۇرمەت گراموتالارى مەن العىس حات تابىستادى.

سونداي-اق، عيماراتتىڭ سالتاناتتى تۇردە لەنتاسىن قيۋ راسىمىنە مارتەبەلى مەيماندارمەن بىرگە بولات نازارباەۆ تا قاتىستى. ال اۋدانداعى ۋشينسكي اتىنداعى ورتا مەكتەپتىڭ وقۋشىسى دارحان شافحاتوۆ جىردان شاشۋ شاشتى.

ال ەسىگىن ايقارا اشقان ورتالىقتىڭ كەلەشەك ۇرپاق ءۇشىن تاريحي ءمان-ماڭىزىنا توقتالعان قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى قانات جۇماباەۆ: «ەلباسىنىڭ تۋعان جەرىندە بوي كوتەرگەن ورتالىقتىڭ ماقساتى مەرەلەكەت باسشىسىنىڭ شىعارماشىلىق جانە ساياسي جولىن كەڭىنەن ناسيحاتتاۋ، سونداي-اق پرەزيدەنتتىڭ ءومىرى مەن قىزمەتىنىڭ ايشىقتى ۇلگىلەرى نەگىزىندە جاستاردىڭ پاتريوتتىق تاربيەسىن كۇشەيتۋ» دەيدى.

قالماحانبەت مۇقامەتقالي،

«ەگەمەن قازاقستان»

الماتى

سوڭعى جاڭالىقتار

«كانەلو» قارسىلاس تاڭدادى

كاسىپقوي بوكس • بۇگىن، 10:00

ق ۇلىباەۆ قىزمەتىنەن كەتتى

قوعام • بۇگىن، 09:20

قىرعىزعا قارسى شىعادى

بوكس • بۇگىن، 09:00

فاتيما حانىمنىڭ كويلەگى

تاريح • بۇگىن، 08:59

ۆاگنەر لاۆ دانيادا وينايدى

فۋتبول • بۇگىن، 08:57

مىقتىلار مەلبۋرندە باس قوستى

تەننيس • بۇگىن، 08:51

كوكتالعا كوپىر سىيلاعان

ايماقتار • بۇگىن، 08:49

كاسىپ مەڭگەرگەن قاتاردان قالمايدى

قازاقستان • بۇگىن، 08:40

دونور بولۋ – ءومىر سىيلاۋ

مەديتسينا • بۇگىن، 08:35

الماتىعا 10 رەانيموبيل سىيلادى

مەديتسينا • بۇگىن، 08:31

«وميكرون» جەدەل تارالۋدا

الەم • بۇگىن، 08:23

ۇقساس جاڭالىقتار