بۇل مەرەكە جالپىۇلتتىق تاتۋلىق پەن قوعامىمىزدىڭ بىرلىگىن قامتاماسىز ەتكەن تاۋەلسىز مەملەكەتتىڭ نەگىزىن قالاۋشى ەلباسىنىڭ اسا زور ەڭبەگىنە دەگەن حالىقتىڭ قۇرمەتىن بىلدىرەدى.
مەملەكەتتىك مەرەكەگە اينالعان ماڭىزدى كۇن ۇلتتىق رۋح پەن سەنىمدى نىعايتادى, وتانداستاردىڭ زياتكەرلىك پەن جاسامپازدىق كۇش-قۋاتىن وزىق رەفورمالار مەن وزگەرىستەردى جۇزەگە اسىرۋعا جۇمىلدىرادى.
تۇڭعىش پرەزيدەنتتىڭ ساياسي ەرىك-جىگەرى مەن ستراتەگياسىنىڭ ارقاسىندا بۇگىنگى تاڭدا قازاقستان قوعامدىق تۇراقتىلىقتىڭ, ءتۇرلى ەتنوستىق توپتار مەن كونفەسسيالار وكىلدەرىنىڭ بەيبىت ءومىرىنىڭ ونەگەسى بولدى.
قازاقستان تاۋەلسىزدىگىنىڭ تاريحى – ءبىزدىڭ وتان ءۇشىن جانە بۇكىل حالىقتىڭ يگىلىگى ءۇشىن جاسامپاز ەڭبەكتەن باستاۋ الاتىن تابىسقا جەتۋ تاريحىمىز.
قۇرمەتتى وتانداستار!
ەلىمىزدە ەلەۋلى وزگەرىستەر بولىپ جاتىر: ەكونوميكانى, ساياسي جۇيەنى جانە قوعامدىق سانانى جاڭعىرتۋ باعدارلامالارى تابىستى ىسكە اسىرىلۋدا.
قازاقستاندى الەمگە تۇراقتى جانە زاماناۋي دامىعان مەملەكەت رەتىندە تانىتقان ەكسپو-2017 حالىقارالىق كورمەسى جوعارى ۇيىمداستىرۋشىلىق دەڭگەيدە وتكىزىلدى, حالىق شارۋاشىلىعىنىڭ بارلىق سالالارى قارقىندى دامىپ كەلەدى.
ءبىز بارشا حالىقتى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتاي وتىرىپ, بەيبىتشىلىك پەن بىرلىك تىلەيمىز.
دەنساۋلىقتارىڭىز زور, تابىستارىڭىز مول بولسىن!
قازاقستان حالقى اسسامبلەياسىنىڭ كەڭەسى
