ەل ءۇشىن ايانباي ەڭبەك ەتىپ جاتقان ەلەۋلى ەسىمدەردىڭ قاتارىنا جاڭادان قوسىلىپ جاتقان ءاربىر تۇلعانىڭ ەرەكشە جاندار ەكەنىن جەتكىزگەن مينيستر ولاردىڭ جاڭا كوزقاراستى, جاڭاشا ويلاۋدى قالىپتاستىراتىنىنا سەنىمدى ەكەنىن ايتتى.
«100 جاڭا ەسىمنىڭ» ءبىرىنشى كەزەڭى اياقتالدى. ءبىز 102 ادامدى ىرىكتەپ الدىق. ولاردىڭ ومىرلىك جولى مەن كۇندەلىكتى قىزمەتى بولاشاق ۇرپاققا ۇلگى بولا الادى. جىلدىڭ اياعىنا دەيىن «100 جاڭا ەسىمگە» كىرەتىندەردىڭ ەلباسى نۇرسۇلتان نازارباەۆپەن كەزدەسۋىن ۇيىمداستىرۋدى جوسپارلاپ وتىرمىز», دەدى مينيستر د.اباەۆ.
ايتا كەتەيىك, ەلوردادا قر تۇڭعىش پرەزيدەنتى كۇنىنە ارنالعان «جاڭا جاھاندىق بولمىستاعى قازاقستاننىڭ جاڭعىرۋ مودەلى» تاقىرىبىندا xالىقارالىق پارلامەنتتىك كونفەرەنتسيا ءوتىپ جاتىر. ماجىلىسكە رەسەي, ازەربايجان, تۇركيا, وزبەكستان, ارمەنيا, يتاليا, يسپانيا, قىتاي, بىرىككەن اراب امىرلىكتەرى, بولگاريا, ماجارستان جانە تاعى باسقا ۇزىن سانى ون بەس ەلدىڭ دەلەگاتتارى قاتىسۋدا. بۇدان بولەك, اقش-تىڭ ساراپشىلارى دا كەلدى.
