وليمپياداعا دايىندىق پىسىقتالدى

سپورتتىق جارىستاردىڭ تورەسى سانالاتىن وليمپيالىق ويىندار بولسا, ونداعى جەڭىسكە ءجيى يەك ارتاتىنىمىز تاعى دا بوكس. ال ءبىز اتالعان سپورتتان بيىك بەلەستەردى باعىندىرۋدامىز دەپ اۋىز تول­تى­رىپ ايتامىز. دۇرىس. الايدا وسى دەڭگەيگە جەتۋ ءۇشىن ماڭداي تەردىڭ توگى­لەتىنىن قان­شا­­لىقتى بىلەمىز. وسى رەتتە ەلىمىزدەگى بوكس مەكتەپتەرى مەن سەك­تسيا­لا­رىن­دا شىڭدالىپ جاتقان جاستاردى ىرىكتەۋدە وبلىستىق, رەسپۋب­لي­كالىق تۋرنيرلەر مەن كۋبوكتاردىڭ بەرەرى مول. قازاقستان بوكس فەدە­راتسياسىنىڭ الداعى كەزدە داستۇرگە ەنگىزىلگەن رەسپۋب­لي­كا­لىق ارنايى كۋبوگى دا رەسپۋب­لي­كانىڭ تالانت­تى بوكسشىلارىن تانىپ, وليمپيا ويىندارىندا توپ جار­عىزۋعا سايادى. تاياۋدا استانادا ەلىمىز بوكس فەدەراتسياسىنىڭ پرەزيدەنتى تيمۋر ق ۇلىباەۆتىڭ توراعالىعى­مەن وتكەن فەدەراتسيانىڭ اتقارۋ كوميتەتىنىڭ وتىرىسى دا وسى توڭىرەكتەگى تاقىرىپتارعا ارنالدى. اتالمىش وتىرىستا ءسوز العان بوكستان ۇلتتىق قۇرامانىڭ باس باپكەرى مىرزاعالي ايتجانوۆ ۇلتتىق قۇرامانىڭ باپكەرلەر كەڭەسى بەكىتكەن كەستەگە سايكەس 2012 جىلعى لوندون وليمپياداسىنا دايىندىق بارىس­تا­رى جايىنا توقتالدى. – قازىرگى تاڭدا «سارىاعاش» شيپا­جايىن­دا دەمالىپ جۇرگەن بوكسشىلار ساۋىقتىرۋ شارالارىنان وتكەننەن كەيىن اس­تاناعا كەلىپ, شارتتى جيىندارعا قاتىسادى. سودان كەيىن الماتىدا مەديتسينالىق تەكسەرۋدەن ءوتىپ, بۇيىرتسا ارنايى دايىندىققا كىرىسپەك. ال جەلتوق­سان­نىڭ ورتاسىنا تامان ءبىزدىڭ قىراندار برازيليادا وتەتىن وقۋ-جاتتىعۋ جيىن­دارىندا كۇش-جىگەرلەرىن سىناپ كورەدى, – دەيدى باس باپكەر. – بوكس فەدەراتسياسىنىڭ كۋبوگى جارىسىنىڭ نەگىزگى ماقساتى – ەلى­مىز­­دەگى بوكسقا دەن قويعان ورەندەردىڭ تالانتتارىن اشىپ,ونى ارى قاراي دا­مىتۋ بولىپ تابىلادى. فەدەراتسيا پرەزيدەنتى تيمۋر ق ۇلى­باەۆ­تىڭ باس­تاماسى­مەن جىلدا وتكىزىپ تۇرۋدى داستۇرگە ەنگىزۋ جولعا قويىلىپ وتىر. وسىلايشا ءبىز ازيا, الەم چەمپيوناتتارى جانە وليمپيا ويىن­دارىندا جۇلدە اپەرەر جاستاردى تانۋعا مۇمكىندىك الامىز دەپ ويلاي­مىن. تاۋەل­سىزدىكتىڭ 20 جىلدىعىنا وراي وتكىزىلەتىن بۇل كۋبوكتى 16 جەلتوقساندا استانادا ساراپقا سالادى, – دەيدى اتالعان فەدەراتسيانىڭ تورەشىلەر قۇرامى بويىنشا جۇمىس­تاردى ۇيلەستىرۋشىسى ا.ەگەۋباەۆ. سونداي-اق, ول تورەشىلىك ەتۋ سالاسىنداعى جەتىس­تىكتەردى دە نازاردان تىس قالدىرمادى.- AIBA دارەجەسىندەگى ءۇش جۇل­دىز­دى تورەشى اتاقتارىن بۇعان دەيىن بەس جەرلەسىمىز السا, بىلتىر بۇ­عان تاعى دا ءۇش وتانداسىمىز قوسىلىپ, مەرەيىمىزدى ۇستەم ەتتى. بۇل الەم­دىك دەڭگەيدەگى ۇلكەن كورسەتكىش! ءابدىراحمان قىدىربەك, استانا.