-ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسى اياسىندا وسى كورمەنى وزگە ۇلت وكىلدەرىنە ۇسىنىپ وتىرمىز,-دەدى شىعىس قازاقستان وبلىستىق اباي اتىنداعى امبەباپ كىتاپحانانىڭ ديرەكتورى گۇلنار جىگىتباەۆا,-تاتار, وزبەك, ورىس, بەلورۋس, كارىس ۇلتىنىڭ وكىلدەرى شارا بارىسىندا سيرەك باسىلىمدار قورىندا ساقتالعان, 1929-1940 جىلدار ارالىعىندا جارىق كورگەن كىتاپتارمەن تانىستى.
-مۇندا 1929-1940 جىلدارى باسىلعان الىپپەنى كورىپ تاڭ-تاماشا قالدىم,-دەيدى وكسانا گرەبەنچۋك,-ءتىپتى, جاراتىلىستانۋ, حيميا, اناتوميا, جاعرافيا سياقتى پاندىك كىتاپتار مەن اباي قۇنانباەۆ, سۇلتانماحمۇت تورايعىروۆ, مۇحتار اۋەزوۆ, ءىلياس جانسۇگىروۆ, بەيىمبەت مايلين, ءسابيت مۇقانوۆتاردىڭ لاتىن قارىپتەرىمەن تەرىلگەن شىعارمالارى بار ەكەن. قازاق حالقىنا لاتىن قارپى بۇرىننان تانىس ەكەندىگىن بايقادىم.
وزگە ۇلت وكىلدەرىنەن سوڭ قالاداعى ت. امانوۆ اتىنداعى №16 مەكتەپ وقۋشىلارى دا ارنايى كەلىپ, كورمەنى تاماشالادى. ولاردىڭ نازارىنا ءا.ەرمەكوۆتىڭ « ۇلى ماتەماتيكا كۋرسى» (1935ج.), ا.مامىت ۇلىنىڭ «دەنساۋلىق جولىندا» (1935 ج.), ت.شونان ۇلىنىڭ «ورىستارعا قازاق ءتىلىن ۇيرەتكىش» (1931ج.), تاڭقىباي ء(ى.جانسۇگىروۆ) «قۇق: ساتيرالىق اڭگىمەلەر جيناعى» (1935 ج.) سياقتى لاتىن تىلىندەگى باسىلىمدار ۇسىنىلدى. بارلىعى «ابايدىڭ رۋحاني ورتالىعىنا» بارىپ, اباي اتامىزدىڭ قولىنىڭ تابى تيگەن كىتاپتاردى دا ۇستاپ كورىپ, قاتتى قۋاندى.
راۋشان نۇعمانبەك,
سەمەي.
سۋرەتتەردى تۇسىرگەن اۆتور
