اتاقتى جازۋشى اقمولا ءوڭىرىنىڭ تۋماسى. جاقىندا اتباسار قالاسىنداعى قالامگەردىڭ تۋىپ-وسكەن ۇيىنە جاڭعىرتۋ جۇمىستارى جۇرگىزىلدى. قايىرىمدىلىق شاراسىنا بالاباقشا مەن مەكتەپ قىزمەتكەرلەرى قاتىستى.
ۇلتىن ۇلىقتاعان تۇلعانى دارىپتەۋ ءبىز ءۇشىن ۇلكەن مارتەبە, دەپ اتاپ ءوتتى اتباسار قالاسى ءبىلىم بەرۋ ءبولىمىنىڭ ادىسكەرى اسەل قوزىباەۆا. رەتى كەلگەندە ايتا كەتۋ كەرەك, ءىلياس ەسەنبەرلين 1915 جىلى وسى شاھارداعى اعاش شەبەرىنىڭ وتباسىندا ومىرگە كەلگەن. ال جازۋشى تۇرعان ءۇش بولمەلى اعاش ءۇيدى ونىڭ اكەسى ەسەنبەرلى اعاسى شوقانمەن بىرگە 1895 جىلى سالىپتى. سونداي-اق قالادا جازۋشىنىڭ ادەبي شىعارمالارىنا قۇرىلعان مۇراجاي دا بار. جانە دە ىلەكەڭ اتىنداعى كوشەنىڭ بويىندا ورنالاسقان جازۋشىنىڭ تۇرعان باسپاناسىنىڭ ءبىر بۇيىرىنە ەسكەرتكىش تاقتا دا ءىلىنىپتى. بۇدان باسقا, مۇندا جازۋشىنىڭ ەسىمىمەن اتالعان كىتاپحانا دا بار. سول سياقتى قالاداعى №1 مەكتەپ-گيمنازياسى دا جازۋشى اتىمەن اتالادى. ال اتباسار قالاسىنىڭ ورتالىعىندا جازۋشىعا ارنالعان ءزاۋلىم ەسكەرتكىش مەنمۇندالايدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
