كەش قوناقتارى الدىندا ايماق باسشىسى نۇرلان نوعاەۆ ءسوز الىپ, سالامات مۇقاشەۆتىڭ اتىراۋ وبلىسىنىڭ, جالپى قازاقستاننىڭ دامۋىنا قوسقان ۇلەسىن اتاپ ءوتتى.
ول سونداي-اق, قوعامنىڭ اعا بۋىن وكىلدەرى باستاپ كەتكەن يگى ىستەرىن جالعاستىرۋعا تىرىسۋى كەرەكتىگىن باسا ايتتى. قوعام جانە مەملەكەت قايراتكەرى راۆيل چەردوباەۆ, مادينا عابدۋسالىموۆا, جۇبايى ءماريا سالىمگەرەيقىزى سالامات مۇقاشەۆ جايلى ەستەلىكتەرىمەن ءبولىستى.
سالامات مۇقاشەۆ 1927 جىلى اتىراۋ قالاسىندا دۇنيەگە كەلگەن. قازاق كسر جوعارعى كەڭەسى پرەزيديۋمىنىڭ توراعاسى, كسرو جوعارعى كەڭەسى كەڭەس وداعىنىڭ 8-11 شاقىرىلىمىنىڭ دەپۋتاتى بولعان. 2014 جىلى قازاقستان رەسپۋبليكاسى ۇكىمەتىنىڭ قاۋلىسىمەن مەملەكەت جانە قوعام قايراتكەرى سالامات مۇقاشەۆتىڭ ەسىمى اتىراۋ پوليتەحنيكالىق كوللەدجىنە بەرىلدى.
