«رۋحاني جاڭعىرۋدىڭ نەگىزى – قوعامدىق سانانى دامىتۋ» تاقىرىبىنا ارنالعان سەميناردى كىرىسپە سوزبەن اشقان قىزىلجار اۋدانىنىڭ اكىمى بولات جۇمابەكوۆ جەرگىلىكتى جەرلەردە 11 ءدىني بىرلەستىك, 10 ەتنومادەني ۇيىم جۇمىس ىستەيتىنىن, ونىڭ اياسىندا ادامگەرشىلىك, تولەرانتتىلىق, ءوزارا تۇسىنۋشىلىك سەكىلدى اسىل قاسيەتتەردى ناسيحاتتاۋعا نەگىزدەلگەن شارالار جۇيەلى جۇرگىزىلەتىنىن, ىنتىماقتاستىق, اۋىزبىرلىك باستى قىمبات قازىنامىز, ۇلتتىق قۇندىلىعىمىز بولىپ تابىلاتىنىن جەتكىزدى.
«ەلىمىزدە ءتۇرلى ەتنوس وكىلدەرى تىلىنە, دىنىنە, مادەنيەتىنە قاراماستان تاتۋ-ءتاتتى ءومىر ءسۇرىپ كەلەدى. ەلباسىنىڭ كونفەسسياارالىق كەلىسىم مەن ءدىني توزىمدىلىكتى نىعايتۋ باعىتىنداعى تالاپتارىن ورىنداۋ – ءبارىمىزدىڭ ابىرويلى مىندەتىمىز», دەدى بولات سەرىك ۇلى.
القالى باسقوسۋدا «قىزىلجار» ورتالىق مەشىتىنىڭ نايب-يمامى قاسىمحان ابدوللا ۇلى, ريم-كاتوليك شىركەۋىنىڭ پريحودى توماش ياكۋبچاك, وبلىستىق «قوعامدىق كەلىسىم» مەكەمەسىنىڭ باسشىسى اسەمگۇل ەسقوجا, ىشكى ىستەر دەپارتامەنتى ەكسترەميزم مەن تەرروريزمگە قارسى كۇرەس باسقارماسىنىڭ جەتەكشىسى رۋسلان مۇحامەدجانوۆ, تاعى باسقالارى قازاقستاندىقتار ءبىر-بىرىنە دەگەن مەيىرىم, سىيلاستىق ماحابباتىن ءىس جۇزىندە كورسەتىپ كەلە جاتقانىن, مۇنىڭ ءوزى جاس بۋىن ءۇشىن ۇلكەن تاربيە مەكتەبىنە اينالعانىن, سوندىقتان ۇرپاقتار اراسىنداعى ىزگىلىك ساباقتاستىعىن ودان ءارى وركەندەتۋدىڭ قادامدارىن جۇيەلى قاراستىرۋ, بۇل ورايدا, قالىپتاسقان تاجىريبەلەرگە سۇيەنۋدىڭ ماڭىزدىلىعىن اتاپ كورسەتتى. سوندا عانا تاتۋلىعىمىزعا كولەڭكە تۇسپەيدى, ەلدىڭ بولاشاعى باياندى بولادى, ەرتەڭگى كۇنگە دەگەن سەنىمدىلىك ارتا تۇسەدى, دەستى.
سويلەۋشىلەردىڭ قاي-قايسىسى بولسىن ءدىني بىرلەستىكتەر, ەتنومادەني ۇيىمدار مەن مەملەكەتتىك ورگاندار اراسىنداعى ۇيلەسىمدىلىككە نازار اۋدارىپ, كونفەسسياارالىق, دىنارالىق تاتۋلىقتى ودان ءارى دامىتۋدىڭ جولدارىن اتاپ كورسەتتى. 1992 جىلدان بەرى تۇراقتى تۇردە اتالىپ كەلە جاتقان رۋحاني كەلىسىم كۇنىنىڭ ماڭىزدىلىعىنا توقتالىپ, تاعاتتىلىققا ۇندەيتىن, تۇرعىنداردى ورتاق ماقسات جولىنا توپتاستىراتىن قايىرىمدىلىق اكتسيالارىن ءجيى وتكىزىپ تۇرۋعا كەلىستى.
ء ومىر ەسقالي,
«ەگەمەن قازاقستان»
سولتۇستىك قازاقستان وبلىسى,
قىزىلجار اۋدانى
