كەلىسسوز شەڭبەرىندە قازاقستان قورعانىس ءمينيسترىنىڭ ورىنباسارى, گەنەرال-لەيتەنانت تالعات مۇحتاروۆتىڭ بريگادالىق گەنەرال حامۇد ءالي دجۋما الشەحيمەن كەزدەسۋى بولدى. وندا ەكى ەلدىڭ قورعانىس سالاسىنداعى ۆەدومستۆولارى اراسىندا بەرىك ستراتەگيالىق سەرىكتەستىكتىڭ قالىپتاسۋىندا اتالعان شارانىڭ ماڭىزدىلىعى اتاپ ءوتىلدى. جۇمىس قورىتىندىسى بويىنشا قازاقستان قورعانىس مينيسترلىگى مەن ءباا قارۋلى كۇشتەرى اراسىنداعى ەكىجاقتى اسكەري ىنتىماقتاستىق جوسپارىنا قول قويىلدى. بۇل جوسپار ەكىجاقتى قارىم-قاتىناستىڭ دامۋىنىڭ ءارى قارايعى باعىتىن ايقىندايدى.
سول سياقتى بۇل كۇندەرى بەلارۋس رەسپۋبليكاسىنىڭ مينسك, برەست قالالارىندا ۇقشۇ قورعانىس مينيسترلەرى كەڭەسى جانىنداعى اسكەري كوميتەتتىڭ وتىرىسى وتۋدە. وعان قورعانىس ءمينيسترىنىڭ ءبىرىنشى ورىنباسارى – قازاقستان قك باس شتابىنىڭ باستىعى, گەنەرال-لەيتەنانت مۇرات مايكەەۆ, ۇقشۇ بىرىككەن شتابىنىڭ باستىعى, گەنەرال-پولكوۆنيك اناتولي سيدوروۆ, ارمەنيا, بەلارۋس, قىرعىز رەسپۋبليكاسى, رەسەي فەدەراتسياسى جانە تاجىكستان قارۋلى كۇشتەرى باس شتابتارىنىڭ باسشىلارى قاتىسۋدا.
ولار ۇقشۇ-نىڭ اسكەري قۇرىلىمىن دامىتۋ, ۇجىمدىق قاۋىپسىزدىك وڭىرلەرىندە اسكەري-ساياسي جاعدايدى دامىتۋ ماسەلەلەرىن تالقىلاپ, 2017 جىلدىڭ جەدەل جانە جاۋىنگەرلىك دايارلىعىنىڭ بىرلەسكەن ءىس-شارالارىنىڭ قورىتىندىسىن شىعارادى. تاراپتار ۇجىمدىق جەدەل دەن قويۋ كۇشتەرىن ورىستەتۋ جوسپارىن قاراستىرىپ, مۇشە مەملەكەتتەر مۇددەسىندە اقپاراتتىق قاۋىپسىزدىك جۇيەسىن قالىپتاستىرۋ مەن دامىتۋعا باعىتتالعان ۇجىمدىق قاۋىپسىزدىك كەڭەسىنىڭ شەشىمدەرىن جانە اقپارات قاۋىپسىزدىگىن قامتاماسىز ەتۋدى ىسكە اسىرۋ تۋرالى ماسەلەلەردى قارايدى دەپ كۇتىلۋدە.
الەكساندر تاسبولات,
«ەگەمەن قازاقستان»
