سەناتور سارسەنباي ەڭسەگەنوۆ مەملەكەت قۇرىلىسى جانە جەرگىلىكتى ءوزىن-ءوزى باسقارۋ تاجىريبەسىن زەردەلەۋ جونىندەگى تمد پاا تۇراقتى كوميسسياسىنىڭ قۇرامىندا «مەملەكەتتىك ازاماتتىق جانە مۋنيتسيپالدىق قىزمەت تۋرالى» جانە «ستراتەگيالىق بولجاۋ جانە جوسپارلاۋ قۇجاتتارى تۋرالى» ۇلگى زاڭ جوبالارىن, سونداي-اق ورنىقتى دامۋ سالاسىنداعى قۇجاتتاردى تالقىلاۋعا قاتىستى.
دەپۋتات سەرگەي پلوتنيكوۆ قاتىسقان ەكونوميكا جانە قارجى جونىندەگى تۇراقتى كوميسسيا وتىرىسىندا تمد مەملەكەتتەرىنىڭ ۇلگى سالىق كودەكسىنىڭ تۇجىرىمداماسى قارالدى. كوميسسيا وتىرىسىنا قاتىسۋشىلار تمد ەلدەرىنىڭ جاريا-جەكە ارىپتەستىگى سالاسىنداعى ساياساتىنا تالداۋ جاساپ, «ينجەنەرلىك ءىس تۋرالى», «ينجينيرينگ قىزمەتى جانە ينجينيرينگ تۋرالى» جانە «باعا قالىپتاستىرۋ تۋرالى» ۇلگى زاڭ جوبالارىنىڭ تۇجىرىمدامالارىمەن تانىستى.
تمد پاا اگرارلىق ساياسات, تابيعي رەسۋرستار جانە ەكولوگيا جونىندەگى تۇراقتى كوميسسياسىنىڭ وتىرىسىنا قازاقستان پارلامەنتى جوعارعى پالاتاسىنىڭ اتىنان سەناتور اڭسار مۇساحانوۆ قاتىستى. دەپۋتاتتار «ەكولوگيالىق زيان باعاسى تۋرالى» جانە «ەكولوگيالىق تۋريزم تۋرالى» ۇلگى زاڭ جوبالارىنىڭ تۇجىرىمداماسىن, سونداي-اق ەكولوگيالىق قاۋىپسىزدىكتىڭ ۇلتتىق ورتالىقتارىن ۇيىمداستىرۋ جونىندەگى ۇسىنىستار تۇجىرىمداماسى مەن ەكولوگيالىق ساياساتتى قالىپتاستىرۋ جونىندەگى ۇسىنىستار تۇجىرىمداماسىنىڭ جوبالارىن تالقىلادى.
تمد پاا شتاب-پاتەرىندە تمد پاا جانىنداعى دەنساۋلىق ساقتاۋ جونىندەگى ساراپشىلار كەڭەسىنىڭ وتىرىسى, اقتق/جقتب جانە تمد مەملەكەتتەرىندەگى كوشى-قون سالاسىنداعى زاڭناماسىنا شولۋ ازىرلەۋ جونىندەگى جۇمىس توبىنىڭ, مەملەكەت قۇرىلىسى جانە جەرگىلىكتى ءوزىن-ءوزى باسقارۋ سالاسىنداعى زاڭنامالىق اكتىلەر دايىنداۋ بارىسىندا پايدالاناتىن تەرميندەرىنەن قۇرالعان زاڭ سوزدىگىن ازىرلەۋ جونىندەگى جۇمىس توبىنىڭ وتىرىسى بولدى.
