بوز كىلەم باسەكەسى ەكى كۇنى بويى ADCC جانە IBJJF ەرەجەلەرىنە سايكەس ءتۇرلى سالماق دارەجەلەرى بويىنشا ءوتتى. تۋرنيرگە قازاقستاننىڭ تۇكپىر-تۇكپىرىنەن كەلگەن 200-گە جۋىق جەتكىنشەكتەر جانە ەرەسەكتەر قاتىستى. الماتى قالاسىنىڭ نامىسىن Kazakhstan تop Team كلۋبىنىڭ 7 سپورتشىسى قورعادى. ولار «GI» جانە «NO GI» نۇسقالارى بويىنشا سىنعا ءتۇستى.
-جارىس وتە جوعارى دەڭگەيدە ءوتتى. ءبىز وتە ريزامىز. ارينە, كەلەسى جىلى قاتىسۋشىلاردىڭ سانى ارتتىنا سەنەمىز. جالپى ايتاتىن بولساق, جارىس دەڭگەيى جانە دجيۋ-دجيتسۋ مەن گرەپپلينگ ءبىزدىڭ ەلدە قارقىندى دامىپ كەلەدى. اقتوبە قالاسىندا قازىر وسى سپورت تۇرىمەن اينالىساتىنداردىڭ سانى جىلدان-جىلعا ارتىپ كەلەدى. - دەدى قازاقستاندىق دجيۋ-دجيتسۋ جانە گرەپپلينگ فەدەراتسياسى اتقارۋشى ديرەكتورى ميگەل مامىرباەۆ.
بايراقتى باسەكەنىڭ العاشقى كۇنى جاڭادان بوي كوتەرگەن سپورت نىسانىندا 7 مەن 17 جاس ارالىعىندا جەتكىنشەكتەر جانە ەرلەر «GI» نۇسقاسى بويىنشا ءوزارا مىقتىنى انىقتادى. ءبىرىنشى كۇننىڭ قورىتىندىسى بويىنشا, الماتى قۇراماسى قورجىنعا 3 التىن, 1 كۇمىس جانە 1 قولا جۇلدەلەر جيىنتىعىن سالدى. ءتۋرنيردىڭ ەكىنشى كۇنى الماتىلىقتار جۇلدەسىز قالمادى. «NO GI» نۇسقاسى بويىنشا جارىس جولىنا شىققان 33 دجيتسەردىڭ ىشىندە وڭتۇستىك استانانىڭ سپورتشىلارى 7 التىن مەن 1 قولانى ۇتىپ الدى.
-تۋرنير وتە قىزىق بولدى. قارسىلاستاردا جاقسى دايىندالعان. الماتىن جۇلدە العانىما قۋانىشتىمىن. ەندى الماتىدا وتەتىن اقتىق باسەكەدە بارىمدى سالىپ, جاقسى ونەر كورسەتۋگە دايىندالامىن , - دەپ الماتىلىق سپورتشى باتىرحان مۇرات ۇلى ءوز ويىمەن ءبولىستى. سپورتتىق شارانىڭ باستى ماقساتى, قازاقستاندا دجيۋ-دجيتسۋدى دامىتىپ, ەلگە تانىتۋ, سپورت پەن سالاۋاتتى ءومىر سالتىن ناسيحاتتاۋ, سپورتشىلاردىڭ شەبەرلىكتەرىن ارتتىرۋ, ۇزدىكتەردى انىقتاۋ. جارىس قورىتىندىسى بويىنشا, جەڭىمپازدار مەن جۇلدەگەرلەرگە مەدالدارمەن, ديپلومدار تابىستالدى.
