قىزمەتكەرلەردىڭ ءبىرىن-ءبىرى باعالاي ءبىلۋىن, جاعىمدى قارىم-قاتىناس ورناتۋىن جانە ۇيىمداستىرۋشىلىق قابىلەتتەرىن دامىتۋىن ماقسات ەتكەن ترەنينگ «سالەمدەسۋ», «تانىسۋ», «سەزىن», «ورمەكشى تورى», «بۇزىلعان تەلەفون», «لابيرينت», «مەن قاندايمىن», «جىلى ءسوز» باعىتتارى ارقىلى جۇرگىزىلدى. باسشىنىڭ جەكە تۇلعاسىنا ءتان ماڭىزدى قاسيەتتەرىن, داعدىلارى مەن بىلىكتىلىگى جونىندە ماعلۇمات بەرىلىپ, ستراتەگيالىق ويلاۋ, ۇيىمداستىرۋ قابىلەتى, كوممۋنيكاتسيا, سىرتقى بايلانىس, قارىم-قاتىنس داعدىلارى, باسشىلىق ءستيلى, جۇمىس ساپاسىنا كوڭىل اۋدارۋ مەن ماداقتاۋ, قويىلعان ماقساتتارعا قول جەتكىزۋ جانە ت.ب. وسى قاسيەتتەردىڭ بارلىعى قىزمەت باسشىلارىنا ءتۇسىندىرىلدى.
-ترەنينگتىڭ جاتتىعۋلارى ءار ءتارتىپ ساقشىسىنىڭ, كۋرسانتتىڭ وزىنە جانە قاسىنداعى سەرىگىنە دەگەن سەنىمدىلىگىن, ۇجىمنىڭ اۋىزبىرشىلىگى مەن ۆنتىماقتاستىعىن ارتتىرۋعا ۇلكەن سەپتىگىن تيگىزەدى. ترەنينگ كەزىندە قىزمەتكەرلەر اراسىندا جالپىكوماندالىق بىرلىك پەن دوستىق قارىم-قاتىناس, ۇيىمشىل ۇجىم ورناتىپ وتىر, ءبىر-بىرىنە دەگەن سىيلاستىق, ءوزارا تۇسىنۋشىلىك, سابىرلىق پەن اۋىزبىرشىلىك بولسا, العا قويعان ماقساتتارعا جەتۋگە مۇمكىندىك بار. جالپى ترەنينگ بارىسىندا ماڭعىستاۋ وبلىسىنىڭ ءتارتىپ ساقشىلارى مەن قىزمەتكەرلەرى وزدەرىنىڭ جەكە باسىنىڭ قاسيەتتەرىن تاني ءبىلدى. جاتتىعۋدى اسەرلى وتكەنى بايقالىپ, قاتىسۋشىلار وزدەرىن سەرگەك ءارى سەنىمدى, جاتتىعۋلاردىەرەجە بويىنشا تولىق ءبىر-بىرىمەن كوڭىلدى قارىم-قاتىناستا ورىندادى. قابىلەتتى قىزمەتكەرلەر – ىسكە, ۇيىمداستىرۋشىلىققا, قاراماعىنداعىلارمەن وزىنە سەنىم بىلدىرگەن ادامدارعا جاۋاپكەرشىلىگىن تەرەڭ جانە سانالى تۇردە سەزىنە ءبىلدى, - دەيدى ماڭعىستاۋ وبلىستىق ءىىد باستىعىنىڭ ورىنباسارى پوليتسيا پولكوۆنيگى جۇماعالي بوكەن.
ترەنينگتىڭ سوڭىندا قىزمەتكەرلەر العان اسەرلەرىمەن, ءوز ويلارىمەن ءبولىسىپ, ترەنينگتىڭ تيىمدىلىگىمەن ماڭىزدىلىعىن ايتىپ, العىستارىن ءبىلدىردى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
