شاعىن قۇرامداعى وتىرىس اياسىندا ەكونوميكالىق ءوزارا ءىس-قيمىل مەن تمد-عا قاتىسۋشى ەلدەردىڭ ساۋدا-ەكونوميكالىق قارىم-قاتىناسىن نىعايتۋعا جاعدايلار جاساۋ بويىنشا وزەكتى ماسەلەلەر تالقىلاندى. سونىمەن قاتار ساۋدا كەدەرگىلەرىن ودان ءارى ازايتۋ مەن ساۋدا مەن كووپەراتسيا الەۋەتىن اشۋعا قاتىستى شارالار قارالدى.
كەڭەيتىلگەن قۇرامدا وتكەن وتىرىستا ۇكىمەتتىك دەلەگاتسيالاردىڭ باسشىلارى تمد ەركىن ساۋدا ايماعى تۋرالى كەلىسىمشارتتىڭ ىسكە اسىرىلۋ بارىسىن, مۇناي-گاز ماشيناسىن جاساۋ, جەردى مەليوراتسيالاۋ, تاۋارلاردىڭ كەدەندىك قۇنىنا باقىلاۋ ورناتۋ, حالىقارالىق كارتەلدەرگە ءوزارا ءتيىمدى ءىس-قيمىل شارالارىن دامىتۋ جانە وزگە دە ماسەلەلەردى قارادى. سونداي-اق, ۇيىمداستىرۋشىلىق سيپاتتاعى بىرقاتار قۇجاتتار تالقىلاندى. بۇدان وزگە, تمد ۇكىمەتتەرى باسشىلارى كەڭەسىنىڭ كەزەكتى وتىرىسىن 2018 جىلدىڭ كوكتەمىندە تاجىكستان رەسپۋبليكاسىندا وتكىزۋ تۋرالى شەشىم قابىلداندى.
