بۇل تاريحي ماڭىزى بار, ءارى دەر ۋاقىتىندا جاسالعان زور قادام دەپ بىلەمىز. لاتىن الىپبيىنە كوشۋدىڭ كەلەشەگىمىز ءۇشىن دە, ءتىلىمىزدىڭ وركەندەۋى ءۇشىن دە, وركەنيەتتى ەلدەردىڭ قاتارىنا قوسىلۋ ءۇشىن دە الار ورنى ەرەكشە. ەل بىرلىگى ەڭ اسىل قاسيەت بولاتىن بولسا, ەلىمىزدى بىرىكتىرەتىن ونىڭ ءتىلى مەن ءالىپبيى بولۋعا ءتيىس. وسى تۇرعىدان العاندا, قازاق ءتىلىنىڭ تازالىعىن ساقتاۋعا ىقپال ەتەتىن لاتىنعا كوشۋدىڭ قاجەتتىلىگى تۋىنداپ وتىر.
الاش ارىسى ا.بايتۇرسىن ۇلى: «ۇلتتىڭ ساقتالۋىنا دا, جوعالۋىنا دا سەبەپ بولاتىن نارسەنىڭ ەڭ قۋاتتىسى – ءتىلى» دەگەن ەكەن. كەمەڭگەردىڭ وسى ەسكەرتۋىن ەستە ساقتاۋىمىز كەرەك. لاتىن ءالىپبيى بىزگە اسپاننان تۇسكەن جاڭالىق ەمەس, ونى حالقىمىز بۇرىن دا قولدانعان, ءبىز تاريح بەدەرىندە قالعان الىپبيىمىزگە قايتا ورالدىق. ورالۋ يگىلىككە باستايدى, حالقىمىزدى الەمدىك ۇلى كوشتەن قالدىرماۋعا دانەكەر بولىپ, ۇلتتىق سانامىزدىڭ قايتا جاڭعىرۋىنا جول اشارى ءسوزسىز.
سەيىتبەك قۋانىشباەۆ,
ارقالىق مەملەكەتتىك پەداگوگيكا ينستيتۋتىنىڭ رەكتورى
ارقالىق
