وسىناۋ تاعىلىمدى شەشىمدى قولداۋ ماقساتىندا ءبىر توپ وڭتۇستىكقازاقستاندىق زيالىلار ەلباسىنىڭ اتىنا ارنايى حاتتار جولداۋدا. سولاردىڭ ءبىرىن وڭتۇستىك قازاقستان وبلىستىق قازاقستان حالقى اسسامبلەياسى جانىنداعى قوعامدىق كەلىسىم كەڭەسىنىڭ توراعاسى ورىنباي راحمانبەرديەۆ تە جولدادى.
«قۇرمەتتى اسا مارتەبەلى نۇرسۇلتان ءابىش ۇلى, ءسىز وتكەن اپتادا قازاق مادەنيەتى مەن رۋحانياتى ءۇشىن تالاي ۋاقىت-تان بەرى قوعام تالقىسىندا جۇرگەن قازاق ءالىپبيىن لاتىن گرافيكاسىنا كوشىرۋ تۋرالى تاعىلىمدى شەشىم قابىلدادىڭىز. كۇن تارتىبىندەگى ماسەلەنى عالىمدارمەن, سالا ماماندارىمەن اقىلداسىپ, كوپشىلىك ماقۇلداعان جاڭا ءالىپبيدى بەكىتىپ بەردىڭىز», – دەيدى ءوز حاتىندا ورىنباي راحمانبەرديەۆ.
ءدال وسىنداي قولداۋ حاتىن ءىV, V شاقىرىلىمداعى پارلامەنت ءماجىلىسىنىڭ دەپۋتاتى روزاقۇل حالمۇرادوۆ تا جول-داپتى. وندا: «عالامدىق باسەكەنىڭ تاۋەكەلدىلىگىن دۇرىس پايىمداپ, قازاق ءتىلىن لاتىن گرافيكاسىنا كوشىرۋ جونىندە تاريحي شەشىم قابىلدادىڭىز. بۇل بايتاق قازاقستان ءۇشىن تاعدىرشەشتى قادام بولدى. ءبىز ءالىپبيدى عانا ەمەس, قوعامدىق سانانى, جالپىعا ورتاق ويلاۋ جۇيەسىن ترانسفورماتسيالاۋ بويىنشا شەشىم قابىلدادىق», دەلىنگەن.
نۇرسۇلتان نازارباەۆتىڭ اتىنا وبلىستاعى بىرقاتار ەتنو-مادەني بىرلەستىكتەردىڭ دە باسشىلارى قولداۋ حاتىن جول-دادى. اتالعان حاتتا وبلىستىق گرۋزين ەتنومادەني بىرلەستىگىنىڭ توراعاسى ز.بوچوريشۆيلي, كورەي ەتنومادەني ورتا-لىعىنىڭ ءتورايىمى ر.پاك, تاتار-باشقۇرت بىرلەستىگىنىڭ باسشىسى ا.مۋحامەدوۆا, گرەك ەتنومادەني بىرلەستىگىنىڭ جەتەكشىسى د.سيديروپۋلو, يران ەتنومادەني بىرلەستىگىنىڭ توراعاسى ن.كاپار-پۋر, كۇردى ەتنومادەني بىرلەستىگىنىڭ باسشىسى ا.ناديروۆ, ۇيعىر ەتنو بىرلەستىگىنىڭ جەتەكشىسى گ.تەميروۆا, تاجىك ەتنومادەني ورتالىعىنىڭ باسشىسى يۋ.سۋلتانوۆ, نەمىس ەتنو بىرلەستىگىنىڭ جەتەكشىسى ي.باحمان, تۇرىك ەتنومادەني ورتالىعىنىڭ باسشىسى ل.اسانوۆتىڭ قولى قويىلعان.
ەلباسى جارلىعىنا وراي م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ ستۋدەنت جاستارى «لاتىن الىپبيىنە كوشۋ – قازاق ءتىلىنىڭ حالىقارالىق دارەجەگە شىعۋىنا جول اشادى» دەگەن ارنايى ۇندەۋ جاريالادى. وندا: «قازىرگىدەي قۋاتتى مەملەكەتتە ءومىر ءسۇرىپ جاتقان كەزەڭدە ءبىز حالىق بولىپ بۇل جازۋدى قولداپ الىپ كەتپەسەك, ءور-كەنيەتتى ەلدەردىڭ قاتارىنا ىلەسە المايمىز» دەلىنگەن.
«ەگەمەن-اقپارات»
