«لاتىن الىپبيىنە كوشۋ – «رۋحاني جاڭعىرۋدىڭ» ۇلكەن باعىتى. ارينە, قازىر ديگراف پەن اپوسترافقا بايلانىستى قوعامدا ءارتۇرلى پىكىرلەر ايتىلىپ جاتىر. بۇل – وتە ماڭىزدى. وسىنداي پىكىرتالاستاردىڭ بولعانىنا ءبىز قۋانۋىمىز كەرەك. بۇل – قازاق قوعامىنىڭ, اسىرەسە جاستاردىڭ ءوز بولاشاعىنا, ءوز تاعدىرىنا بەيجاي قارامايتىندىعىن كورسەتەدى. ەلباسىنىڭ قابىلداعان شەشىمى – ساياسي شەشىم. الدا ۇلكەن جۇمىستار كۇتىپ تۇر. لاتىن قارپىنە كوشۋ ۇزاق ۋاقىتقا سوزىلاتىن تاريحي پروتسەسس.
لاتىن قارپىنە كوشۋگە بايلانىستى ارنايى مەملەكەتتىك كوميسسيا قۇرىلادى. وسى كوميسسيا قۇرامىنا مەملەكەتتىك عىلىمي-زەرتتەۋ ينستيتۋتتارىنىڭ وكىلدەرى, قوعام بەلسەندىلەرى, ساياساتتانۋشىلار, تاعى باسقا دا ساراپشىلار مىندەتتى تۇردە ەنەدى. سودان كەيىن قازىرگى ۋاقىتتا قوعام تاراپىنان ايتىلىپ جاتقان پىكىرلەر-ۇسىنىستار ەسكەرىلىپ, ورتاق بايلامعا, ورتاق مامىلەگە كەلەمىز دەگەن ويدامىن. لاتىن قارپىنە كوشۋ قازاقتىڭ رۋحانياتىن, ءتول مادەنيەتىن ساپالى دەڭگەيگە جەتكىزەدى. بۇگىنگى تاڭدا دۇنيە جۇزىندەگى بارلىق تەحنولوگيالار لاتىن قارپىندە. ەگەر ءبىز لاتىن قارپىنە وتەتىن بولساق, قوعامدىق سانامىز, الەۋمەتتىك سانامىز وزگەرەدى», – دەدى ساياساتتانۋشى.
بۇدان كەيىن ءسوز العان قوعام قايراتكەرى, بەلگىلى جۋرناليست ەرمۇرات باپي لاتىن قارپىنە كوشۋ الەمدىك وركەنيەتتەن قالماۋ جولىنداعى قادام, بۇل كەلەشەك ءۇشىن قاجەت دۇنيە ەكەندىگىن ايتتى. جانە بۇل ماسەلەدە اسىعىستىق تانىتپاي, بايىپپەن قاراۋدىڭ ماڭىزدىلىعىنا توقتالدى. لاتىن قارپىنە كوشەمىز. بۇل كەلەشەك ۇرپاق ءۇشىن كەرەك. دەگەنمەن قازىر لاتىن ءالىپبيىنىڭ سوڭعى نۇسقاسىنا قاتىستى ءارتۇرلى پىكىرلەر, ۇسىنىستار ايتىلىپ جاتىر. مۇنىڭ ءبارىن ەسكەرۋ كەرەك. اپوستروف ماسەلەسىن, قارىپتىڭ پسيحولوگيالىق ماسەلەسىن, ارىپتەردىڭ ۇندەستىك زاڭىنا سايكەس كەلەتىندىگىن, ءبارىن مۇقيات قاراستىرعانىمىز ءجون. ءبىزدىڭ ءتىلدىڭ قۇدىرەتى مەن قاسيەتىن ساقتايتىن قارىپتەردىڭ دۇرىس دىبىستالۋىنا ءمان بەرۋىمىز كەرەك. ارنايى كوميسسيا وسىنىڭ ءبارىن شەشەدى, ءبىر جۇيەگە كەلتىرەدى دەپ ويلايمىز. لاتىن قارپىنە كوشۋ ماسەلەسىندە جاستار بەلسەندىلىك تانىتىپ, وزدەرىنىڭ وي-پىكىرلەرىن ءبىلدىرىپ جاتىر.بۇل ءبىزدى قۋانتادى. قوعامدى جاڭعىرتۋعا جاستار دا ءوز ۇلەسىن قوسۋى كەرەك», – دەدى ول.
ازامات قاسىم,
«ەگەمەن قازاقستان»
وسكەمەن
