«پمحز» جشس-دە جاڭعىرتۋدى اياقتاۋ جانە جوعارى وكتاندى بەنزين مەن ديزەل وتىنىن شىعارۋ ءۇشىن قاجەتتى قوندىرعىلاردى ىسكە قوسۋ مەرزىمدەرى بويىنشا ارتتا قالۋشىلىق بەلگىلى بولدى.
جاڭعىرتۋدى اياقتاۋ مەرزىمى «پمحز» جشس ءۇشىن 26 قازان, ال اتىراۋ مۇناي وڭدەۋ زاۋىتى ءۇشىن 16 قىركۇيەك بەلگىلەنگەن بولاتىن. الايدا «قازمۇنايگاز» ۇك» اق مەرزىمدەردى اعىمداعى جىلدىڭ جەلتوقسان ايىنىڭ ءبىرىنشى جارتىسىنا اۋىستىردى.
د.تيەسوۆ پەن ش. دانبايدىڭ اقپاراتىن تىڭداپ, مينيستر جاقىن ارادا جوعارى وكتاندى بەنزينمەن جانە ديزەل وتىنىمەن ىشكى نارىقتى قامتاماسىز ەتۋ بويىنشا شۇعىل شارالار قابىلداۋدى تاپسىردى.
اتاپ ايتقاندا, جەكەلەگەن قوندىرعىلاردا اقاۋلاردىڭ تۋىنداۋى تۋرالى ۇسىنىلعان دەرەكتەردىڭ نەگىزىندە ق. بوزىمباەۆ مۇناي ونىمدەرىن ءوندىرۋ قوندىرعىلارىن ورناتۋ مەرزىمدەرى ورىندالماۋى مۇمكىن ەكەندىگىن ەسكەرتتى.
كەڭەس قورىتىندىسى بويىنشا مينيستر 8 قاراشاعا دەيىنگى مەرزىمدە جوعارى وكتاندى بەنزين شىعارۋ قوندىرعىلارىن جانە قىسقا مەرزىمدە ديزەل وتىنىن شىعارۋ قوندىرعىلارىن ىسكە قوسۋ قاجەت ەكەندىگىن اتاپ ءوتتى.
«پمحز» جشس-ءنى جاڭعىرتۋدى اياقتاۋدىڭ بەلگىلەنگەن مەرزىمدەرى ساقتالماعان جاعدايدا, مينيستر توپ-مەنەدجەرلەردى اتقاراتىن قىزمەتتەرىنەن بوساتۋ تۋرالى ۇسىنىس ەنگىزەتىن بولادى.
مينيستر پاۆلودار جانە اتىراۋ ءموز-دەرىندە وبەكتىلەردى جاڭعىرتۋدى سوزۋ تاۋەكەلدەرىن انىقتاۋ ءۇشىن مينيسترلىكتىڭ كوميسسياسىن جىبەرۋدى تاپسىردى, دەپ حابارلادى ەنەرگەتيكا مينيسترلىگىنىڭ ءباسپاسوز قىزمەتى.
