ءوزارا تۇسىنىستىك جاعدايىندا وتكەن كەزدەسۋ بارىسىندا قازاقستان مەن ەۆرەي قاۋىمدارى اراسىندا قوعامدىق كەلىسىمدى قامتاماسىز ەتۋ, ەتنوسارالىق قاتىناستار سالاسىنداعى ساياساتتى ىسكە اسىرۋ, قوعامدىق كەلىسىمدى نىعايتۋعا باعىتتالعان ءىس-شارالاردى بىرلەسىپ ۇيىمداستىرۋ ماسەلەلەرى ءسوز بولدى.
قحا توراعاسىنىڭ ورىنباسارى مەيمانداردى اسسامبلەيانىڭ قۇرىلىمى تۋرالى اڭگىمەلەپ, ونىڭ كونستيتۋتسيالىق مارتەبەسى بار ورگان رەتىندە سانالاتىنىنان دا حاباردار ەتتى. ونىڭ اتاپ وتۋىنشە, 2008 جىلى «قازاقستان حالقى اسسامبلەياسى تۋرالى» زاڭ قابىلداندى. سونداي-اق اسسامبلەيانىڭ عىلىمي-ساراپتامالىق كەڭەسى جانە ەلىمىزدىڭ جوعارى وقۋ ورىندارىندا 33 قحا كافەدرالارى جۇمىس ىستەيدى. «بۇگىندە 1338 ەتنومادەني بىرلەستىك قىزمەت ەتىپ كەلەدى, ولاردىڭ 29-ى رەسپۋبليكالىق دەڭگەيدەگى بىرلەستىكتەر, – دەدى د.مىڭباي. – «دوستىق» ۇيلەرى جانە ۇلتتىق تەاترلار دا جۇمىس ىستەۋدە. ونىڭ ۇشەۋى اكادەميالىق تەاترلار. وسىنىڭ بارلىعى پرەزيدەنتىمىز ن.ءا.نازارباەۆتىڭ ەتنوسارالىق جانە كونفەسسياارالىق ىنتىماق پەن تاتۋلىققا ەرەكشە كوڭىل بولەتىنىن بىلدىرەدى».
م.لەۆين الدىمەن ءوزى جەتەكشىلىك ەتەتىن قۇرىلىمنىڭ قىزمەتىمەن تانىستىردى. ونىڭ ايتۋىنشا, بۇل ۇلتتىق كواليتسيا كسرو تاراعاننان سوڭ ءوز تاۋەلسىزدىگىن العان ەلدەردە جانە شىعىس ەۋروپا مەملەكەتتەرىندە تۇراتىن ەۆرەي قاۋىمدارىنا قولداۋ كورسەتۋمەن اينالىسادى. بۇگىندە ولاردىڭ كوپشىلىگىمەن بايلانىس ورناتقان. «قازاقستانداعى ەۆرەي قاۋىمدارى پرەزيدەنت, سونداي-اق قازاقستان حالقى اسسامبلەياسى تاراپىنان ناقتى قولداۋعا يە بولىپ وتىرعانىن كورىپ وتىرمىز», دەدى م.لەۆين.
ءاليسۇلتان قۇلانباي,
«ەگەمەن قازاقستان»
سۋرەتتى تۇسىرگەن
ورىنباي بالمۇرات,
«ەگەمەن قازاقستان»
