الاڭ قوجايىندارى كەزدەسۋدى سەنىمدى باستاپ, قارسىلاستارعا شايبا سوعۋعا بىردە-ءبىر مۇمكىندىك بەرگەن جوق. الماتىلىق ۇجىم «گورنياك» كومانداسىنىڭ قاقپاسىنا ءتورت بىردەي شايبا سوقتى. قوناقتار ءوز كەزەگىندە ويىننىڭ سوڭىنا دەيىن ەسەپتى تەڭەستىرۋگە تىرىسقانىمەن, ناتيجە شىقپادى. كەزدەسۋ 4:0 ەسەبىمەن الماتىلىقتاردىڭ جەڭىسىمەن اياقتالدى.
– مەنىڭ ويىمشا, ەكى ويىن دا ءساتتى ءوتتى. ءبىز قارسىلاستارىمىزدى ۇلكەن ۇپاي ايىرماسىمەن جەڭگەنىمىزگە قۋانىشتىمىز. ارينە, ءوز الاڭىڭدا ويناۋ جەڭىلىرەك. ويىن بارىسىندا جانكۇيەرلەرىمىزدىڭ قولداۋىن سەزدىك, ولار بىزگە جىگەر بەرەدى. ءبىزدىڭ ويىندارىمىزدى تاماشالاۋعا كەلەتىن جانكۇيەرلەرگە العىسىمىزدى بىلدىرەمىز, - دەيدى"الماتى" حك ويىنشىسى ماكسيم رىبالكو.
ەكىنشى كەزدەسۋدىڭ العاشقى ساتتەرىنەن الاڭ قوجايىندارى باسىمدىق تانىتىپ, العا وزدى. كەيىنگى كەزەڭدەر تەپە-تەڭ وتكەنىمەن, ءۇشىنشى كەزەڭدە الماتىلىقتار ءبىر ۇپاي ايىرماسىمەن جەڭىسكە جەتتى, ەسەپ 4:3. وسىلايشا, «الماتى» كومانداسى ەكى كەزدەسۋدە دە باسىمدىق تانىتىپ, «گورنياك» حوككەيشىلەرىن ەكى مارتە تىزە بۇكتىردى.
ارمان وكتيابر,
«ەگەمەن قازاقستان»
الماتى
