مۇندا 15 تەرەزە جۇمىس جاسايدى. تۇرعىندار ەندى وسى جەردەن ەلەكتروندى ەڭبەك بيرجاسىنا, حالىققا قىزمەت كورسەتۋ ورتالىعىنا, اۋىل اكىمدەرىمەن بايلانىسقا شىعا الادى. جاڭا ورتالىقتىڭ اشىلۋىنا قاتىسقان ەلىمىزدىڭ «ەڭبەك رەسرۋاستارىن دامىتۋ ورتالىعى» اق-نىڭ پرەزيدەنتى داۋلەت ارعىندىقوۆتىڭ ايتۋىنشا, ورتالىقتا جۇمىس بەرۋشىلەرگە ەرەكشە نازار اۋدارىلادى.
جۇمىس ىزدەۋشىنى enbek.kz سايتىنان تابۋعا بولادى. ول ءۇشىن جۇمىس بەرۋشىنىڭ «جەكە كابينەتىنە» بوس ورىن تۋرالى مالىمەت, تالاپتار مەن بىلىكتىلىگى جانە ەڭبەكاقى تۋرالى مالىمەت قالدىرسا جەتكىلىكتى. ورتالىقتىڭ وقىتۋ, كاسىبي بەيىمدەۋ, ەڭبەكپەن قامتۋ سياقتى جەكە قىزمەتتەرى بيزنەسكە بەرىلەدى. بۇل ماقساتتا 1,5 ملرد تەڭگە ءبولىنىپتى. جەكە مەنشىك اگەنتتىكتەرى ءۇشىن قىزمەت ەلەكتروندى ەڭبەك بيرجاسىندا دا قاراستىرىلعان. ول جەردە 19 جەكە مەنشىك اگەنتتىك وزدەرىنىڭ بوس جۇمىس ورىندارى تۋرالى مالىمەتتى ورنالاستىرادى, ال جاقىن ارادا ينتەرنەت-الاڭداردا بوس ورىندار مەن تۇيىندەمەلەر پايدا بولادى.
ورتالىقتا جۇمىس بەرۋشىلەردىڭ قولداۋ زالى, جۇمىس ىستەۋگە جانە وقۋعا نيەت بىلدىرگەندەر ءۇشىن ىزدەنۋشىلەر زالى بار. مۇگەدەك جاندار ءۇشىن ىڭعايلى پاندۋس جولى جاسالعان.
فاريدا بىقاي
«ەگەمەن قازاقستان»
پاۆلودار
