بۇل ەلباسى نۇرسۇلتان نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا ايتىلعان «وڭىرلەردىڭ دامۋى-ەلدىڭ دامۋى» تاپسىرماسىنا سايكەس ىسكە اسىرىلىپ جاتقان جوبا.
ۇزىندىعى 97 شاقىرىمدى قۇرايتىن جول 2011 جىلى پايدالانۋعا بەرىلگەن. الايدا, بىرنەشە قاباتتان تۇراتىن اۆتوجولدىڭ سوڭعى قاباتى, ياعني اسفالتتاۋ جۇمىستارى بيىل قولعا الىنىپ, وعان 5 ملرد تەڭگە ءبولىنىپ وتىر. جوبانىڭ رەكونسترۋكتسيالاۋ جۇمىستارى باستالىپ, ماڭعىستاۋ وبلىسى قاراقيا اۋدانىنىڭ اۋماعىندا اسفالت توسەلدى.
-مەملەكەت باسشىسى نۇرسۇلتان نازارباەۆ ءوزى اتاپ وتكەندەي وتاندىق ءتۋريزمدى دامىتۋ ءۇشىن الدىمەن لوگيستيكا مەن ينفراقۇرىلىمدى جانداندىرۋىمىز قاجەت. بۇگىنگى «اتا جولى» اۆتوجولىن جاڭارتۋداعى نەگىزگى ماقساتىمىز وسى. ياعني, ساپالى جول سالىنسا, ەل-جۇرت كەلەدى, تىرشىلىك باستالادى. باسقا دا قىزمەت كورسەتۋ ورتالىقتارى بوي كوتەرىپ, كوپتەگەن كاسىپكەردىڭ تابىس تابۋىنا جول اشىلارى انىق. بۇل جول جاقسىلىققا باستايتىن جول بولماق, دەگەن وبلىس اكىمى ەرالى توعجانوۆ, جاڭارتۋ جۇمىستارى ۇكىمەتتىڭ قولداۋى ارقىلى ماڭعىستاۋ وبلىسى اكىمدىگى مەن قر ينۆەستيتسيالار جانە دامۋ مينيسترلىگى بىرلەسىپ اتقارىپ جاتقان كوپ ىستەردىڭ ءبىرى عانا ەكەنىن اتاپ ءوتتى.
جوبانىڭ جالپى قۇنى 5,042 ملرد.تەڭگەنى قۇرايدى. 97 شاقىرىم جولدىڭ 51 شاقىرىمىن اسفالتتاۋدى 2019 جىلى اياقتاۋ جوسپارلانىپ وتىر.
«اتا جولى» اۆتوجولى وڭىردەگى تۋريستىك ورىندارعا, ياعني شوپان-اتا, وعلاندى جانە بەكەت-اتا زيراتىنا اپاراتىن جول. بۇل ورىندار ماڭعىستاۋ ءوڭىرىنىڭ عانا ەمەس, ەلىمىزدىڭ مادەني مۇراسى سانالادى جانە قازاقستاننىڭ قاسيەتتى جەرلەرىنىڭ مادەني-گەوگرافيالىق بەلدەۋىن قۇرۋعا باعىتتالعان «كيەلى مەكەن» ارنايى جوباسىنا كىرەدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
سۋرەتكە تۇسىرگەن سەرىك مايەمەروۆ
