قولعا شاقىرۋ, شىرعاعا ءتۇسىرۋ ارقىلى ەكى كۇن العىرلىقتارى سىنالىپ, ۇزدىكتەرى ىرىكتەلگەن بۇركىتتەردى اقتىق سىندا قويانعا سالدى. ۇزدىك دەپ تانىلعان ونشاقتى بۇركىتتىڭ قويانعا ءتۇسۋى تورەشىلەر بەرگەن ۇپايمەن باعالانىپ, بەس بۇركىتشى جارىس جۇلدەسىن يەلەندى.
بيىل ءۇشىنشى مارتە جالاۋى جەلبىرەگەن كۇنتۋعان توقتىباي ۇلى اتىنداعى تۋرنيردە جامبىل وبلىسىنان كەلگەن جاس بۇركىتشى سەرىكبولسىن جالعاس ۇلى جەڭىمپازى اتاندى.
«قوڭىردولىنى ءوزىم ءوسىردىم. قازىر جاسى ەكىدە, ەكەۋمىز ءبىر-بىرىمىزگە ۇيرەنىسىپ قالدىق. ارمانىم ەڭ اتاقتى بۇركىتشى بولۋ», دەيدى جارىس جەڭىمپازى جالعاس ۇلى سەرىكبولسىن.
كۇنتۋعان توقتىباي ۇلى اتىنداعى رەسپۋبليكالىق ءىىى ءتۋرنيردىڭ جۇلدەگەرلەرى:
1 ورىن – جالعاس ۇلى سەرىكبولسىن (جامبىل وبلىسى)
2 ورىن – سەيىتجان الماس (الماتى وبلىسى)
3 ورىن – ابدۋلكارىم ۇلى سارمات (اتىراۋ وبلىسى)
4 ورىن – تاستانبەك بايراق (قوستاناي وبلىسى)
5 ورىن – شولەنباەۆ قانات (اقمولا وبلىسى)
