«عالىمدار بىرنەشە ۇلگىدەگى گرافيكانى تياناقتى تالقىدان وتكىزدى. سونىڭ ناتيجەسىندە كوپتەگەن ۇسىنىستار ەسكەرىلىپ, اپوستروفتار ارقىلى جاسالعان گرافيكالىق نۇسقاسى ءتيىمدى دەپ تابىلدى. عالىمدارمەن باس قوسقان پرەزيدەنت لاتىن قارپىنە نەگىزدەلگەن قازاق ءالىپبيىنىڭ سوڭعى جوباسى قىزۋ تالقىلانىپ, قوعام تاراپىنان قولداۋ تاپقانىن اتاپ ءوتىپ, كوپ ۇزاماي قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى جارلىققا قول قويدى. اتاپ ايتقاندا, ەل ازاماتتارى, اسىرەسە, جاستار كۇندەلىكتى تاجىريبەدە لاتىن گرافيكاسىن بەلسەندى تۇردە ناسيحاتتاي باستادى. ەندى مەملەكەتتىك ءتىلدىڭ جاڭا ءالىپبيى كەزەڭ-كەزەڭمەن ەنگىزىلەتىن بولادى. بۇل باعىتتا نە ءجاسالادى؟ بىرىنشى كەزەكتە, ۇكىمەت تاراپىنان قازاق ءتىلىنىڭ لاتىن گرافيكاسىن ەنگىزۋ بويىنشا جۇمىس توبى قۇرىلادى», - دەدى مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ونىڭ سوزىنە قاراعاندا ورفوگرافيالىق-لينگۆيستيكالىق كوميسسيا دا قۇرىلادى. لاتىن گرافيكاسى نەگىزىندە جاڭا ورفوگرافيالىق ەرەجەلەر مەن قازاق ءتىلىنىڭ ۇلكەن ورفوگرافيالىق سوزدىگى جاسالادى.
«ۇشىنشىدەن, نورماتيۆتىك-قۇقىقتىق بازانى سايكەستەندىرۋ قاجەت. وسىدان كەيىن وقۋ-ادىستەمەلىك, وقۋلىق, كوركەم جانە باسقا دا قاجەتتى ادەبيەتتەردى ازىرلەۋ مەن باسىپ شىعارۋعا كىرىسە الامىز», - دەپ ءتۇسىندىردى ا. مۇحامەدي ۇلى.
وسى ورايدا ول الەۋمەتتىك ماڭىزى بار ادەبيەتتەردى شىعارۋعا ەرەكشە نازار اۋدارىلاتىنىن اتاپ ءوتتى.
«ارينە, جاڭا ءالىپبيدى قوعامدا ءارى بۇقارالىق اقپارات قۇرالدارىندا بەلسەندى تۇردە العا جىلجىتۋ كەرەك. مۇنىمەن قوسا, جاڭا قازاق ءالىپبيىنىڭ تىلدىك ورتاسىن كەڭەيتۋ ءۇشىن جاڭا ءالىپبيدى جارناما سالاسىندا قولدانۋ جۇمىستارىن باستاۋ قاجەت. سونىمەن قاتار ارنايى وقىتاتىن پورتال مەن ماتىندەردى اۆتوماتتى تۇردە لاتىن قارپىنە اۋدارۋدىڭ كونۆەرتەرى قۇرىلۋى كەرەك», - دەدى مينيستر.
