بۇگىن «نۇر وتان» پارتياسىنىڭ توراعاسى نۇرسۇلتان نازارباەۆتىڭ كەلىسىمى بويىنشا پارتيا توراعاسىنىڭ ءبىرىنشى ورىنباسارى مۇحتار قۇل-مۇحاممەد ورتالىق اپپارات ۇجىمىنا پارتيانىڭ جاڭا حاتشىسى عابيدوللا ءابدىراحىموۆتى تانىستىردى.
ال زاۋىتبەك تۇرىسبەكوۆ باسقا قىزمەتكە اۋىسۋىنا بايلانىستى اتالعان قىزمەتتەن بوساتىلدى.
مۇحتار قۇل-مۇحاممەد ز.تۇرىسبەكوۆكە پارتيا قاتارىنداعى ءتيىمدى ەڭبەگى ءۇشىن ريزاشىلىعىن ءبىلدىرىپ, جاڭا دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى قىزمەتىنە تابىس تىلەدى. زاۋىتبەك قاۋىسبەك ۇلى اتالعان قىزمەتكە وسى جىلدىڭ ماۋسىم ايىندا تاعايىندالعان بولاتىن.
ءابدىراحىموۆ عابيدوللا راحماتوللا ۇلى 1975 جىلى 23 قاڭتاردا وڭتۇستىك قازاقستان وبلىسىندا تۋعان.
ەكونوميست جانە مەملەكەتتىك اكىمشىلىكتىك باسقارۋ ماماندىقتارى بويىنشا جوعارى ءبىلىم العان. قازاق, ورىس, نەمىس جانە اعىلشىن تىلدەرىن جەتىك مەڭگەرگەن.
ءار جىلدارى جاۋاپتى باسشىلىق قىزمەتتەردە بولدى. اتاپ ايتقاندا, مەملەكەتتىك قىزمەت ىستەرى اگەنتتىگىنىڭ توراعاسى, باسەكەلەستىكتى قورعاۋ اگەنتتىگىنىڭ توراعاسى, پرەمەر-مينيستر كەڭسەسىنىڭ جەتەكشىسى, پرەزيدەنت اكىمشىلىگى باسشىسىنىڭ ورىنباسارى قىزمەتتەرىن ابىرويمەن اتقاردى. ع.ءابدىراحىموۆ «نۇر وتان» پارتياسىنىڭ حاتشىسى قىزمەتىنە دەيىن شىمكەنت قالاسىنىڭ اكىمى بولدى.
