ارينە, الماتىدا وتكەن قازاقستان چەمپيوناتىندا كيوكۋشينكاي-كان كاراتە بويىنشا سايىس تارتىستى ءوتتى. اتالعان سايىس باعدارلاماسىنا ەكى ەرەجە – كاتا جانە كۋميتە ەنگىزىلگەن. ەلىمىزدىڭ بارلىق وڭىرىنەن جينالعان سپورتشىلاردىڭ سانى 300-گە جەتتى. تاتاميدا باق سىناسقان سپورتشىلاردىڭ قاي-قايسى دا وسال ەمەستىگىن دالەلدەپ باقتى. اقمولا وبلىسىنان 22 سپورتشى قاتىسقاندىعىن ايتا كەتەيىك. كاتا بويىنشا تايتالاسقان جەكپە-جەكتە ەرلەر اراسىنداعى 14-15 جاستاعى «جەتكىنشەكتەر» ساناتىندا يگور ۆاسين ەشكىمگە دەس بەرمەي, ءبىرىنشى ورىننان تابىلسا, سول سياقتى 16-17 جاستاعىلار اراسىندا اسحات گالەەۆ پەن ءبىرجان قايرات تا بيىك تۇعىردان تابىلدى. ال قىزدار اراسىندا كۇمىس مەدالعا الەمگۇل سابىرحان يە بولدى. جەڭىمپازدار قاتارىندا مادياربەك ۇزاقباي (12-13 جاستاعى جەتكىنشەكتەر) مەن ءادىل قاراباەۆ تا (14-15 جاستاعى جەتكىنشەكتەر) بار. رەتى كەلگەندە كۋميتە سايىسى بويىنشا اسحات گالەەۆ (60 كگ-عا دەيىنگى 16-17 جاستاعى), نارقىز ۇزاقباەۆا (قىزدار اراسىندا 55 كگ-عا دەيىن), الەمگۇل سابىرحان (قىزدار اراسىندا 65 كگ-نان اسا), دينارا نۇرعاليەۆا (قىزدار اراسىندا 65 كگ-نان اسا) جانە ەربولات قاناپين (ەرلەر اراسىندا 80 كگ-نان اسا) قارسىلاستارىن قاۋساتا جەڭىپ, جەڭىس تۇعىرىنان كورىندى. ال قولا جۇلدە الەكساندر بەلوۋسوۆقا (14-15 جاستاعى 60 كگ-نان اسا) بۇيىردى.
اسقار تۇراپباي ۇلى,
«ەگەمەن قازاقستان»
اقمولا وبلىسى
