ءسوزىمىز دالەلدى بولۋ ءۇشىن ۇستىمىزدەگى جىلدىڭ 2 قازانىندا جۇرگىزىلگەن ارنايى وپەراتسياسى بارىسىندا 24 جاستاعى وزبەكستان ازاماتى قولعا تۇسكەندىگىن مىسالعا كەلتىرە كەتەيىك. پوليتسيا قىزمەتكەرلەرى ونىڭ قوستاناي وبلىسى ۇزىنكول اۋداندىق سوتىنىڭ ەلىمىز اۋماعىنان شىعارۋ تۋرالى شەشىمىن ورىنداماي, ءبىر جىلدان بەرى پوليتسيا قىزمەتكەرلەرىنەن بوي تاسالاپ كەلگەندىگىن انىقتادى. 2016 جىلدىڭ قاراشاسىندا قازاقستان اۋماعىنان شىعۋى ءتيىس الگى شەتەلدىك ازامات ەلىمىزدە زاڭسىز تۇرىپ كەلىپتى. ونى تسەلينوگراد اۋدانى قوسشى پوسەلكەسىندە قولعا ءتۇسىرۋ مۇمكىن بولىپتى. قازىر زاڭسىز تۇرىپ كەلگەن شەتەلدىك ازاماتتىڭ ۇستىنەن قك 393-ءشى بابى (ەلدەن شىعارۋ شەشىمىن ورىنداماۋ) بويىنشا سوتقا دەيىنگى تەرگەۋ امالدارى جۇرگىزىلۋدە. ەندى وزبەكستان ازاماتىنا 300 ايلىق ەسەپتىك كورسەتكىش كولەمىندە ايىپپۇل سالىنىپ, قازاقستان رەسپۋبليكاسى اۋماعىنان شىعارىلاتىن بولادى. تاعى ءبىر فاكتىنى كەلتىرە كەتكەن ءجون. پوليتسيا قىزمەتكەرلەرى تۇرعىلىقتى جەرىنە تۇراقتى تىركەلگەن قىرعىزستان ازاماتىنىڭ قۇجاتتارى قولدان جاساتىپ العاندىعىن اشىپ بەردى. قك 394-بابى 1-تارماعى بويىنشا (زاڭسىز ميگراتسيا ۇيىمداستىرۋ) قوزعالعان قىلمىستىق ءىس شەڭبەرىندە پوليتسيا اتالعان فاكتىنى جان جاقتى سارالاۋدا.
وسىلايشا وڭىردە «نەلەگال-2017», «ميگرانت» جانە وزگە دە ارنايى وپەراتسيالار وتكىزىلىپ, زاڭسىز تۇرىپ جاتقان شەتەلدىكتەردى انىقتاۋ جالعاسىپ كەلەدى. ونىڭ بارىسىندا ارنايى رەيدتەر جاسالىپ, جەدەل-ىزدەستىرۋ شارالارى وتكىزىلۋدە. كۇشەيتىلگەن رەجىمدە تەك ميگراتسيالىق پوليتسيا عانا ەمەس, سونىمەن بىرگە وزگە دە قۇرىلىمداردىڭ قىزمەتكەرلەرى جۇمىلدىرىلۋدا. ماسەلەن, «ميگرانت» ارنايى وپەراتسياسى بارىسىندا 400 تارتا قۇقىق قورعاۋشى قۇرىلىس نىساندارىن, بازار اينالاسى مەن وزگە دە ساۋدا نۇكتەلەرىن قاداعالادى. ءتىپتى كۇن سايىن 100 جەدەل توپ جۇمىس ىستەدى دەسە دە بولادى. سونىڭ بارىسىندا جوعارىدا اتاپ وتكەنىمىزدەي, تەك ەكى تاۋلىك ىشىندە 474 ميگراتسيالىق زاڭدى بۇزۋ فاكتىسى تىركەلگەن. سونىڭ ىشىندە تۇرعىلىقتى جەرىنە تۇراقتى تىركەلمەگەن جانە جەكە كۋالىگى جوق 160 قازاقستاندىق ازامات جانە شەتەلدىكتەردى جۇمىسقا شاقىرتىپ الىپ ارنايى تىركەتپەگەن 40 ازامات جاۋاپكەرشىلىككە تارتىلىپ وتىر.
شەتەلدىك جۇمىس كۇشىن زاڭسىز پايدالانۋ ءىسى بويىنشا 11 جۇمىس بەرۋشى ۇستىنەن حاتتاما تولتىرىلىپ, شەتەلدىكتەردى ەلىمىز اۋماعىنان شىعارۋ تۋرالى 8 سوت اكتىسى كۇشىنە ەندى. بۇدان باسقا, ميگراتسيالىق زاعدىلىقتى ساقتاماعانى ءۇشىن 260 شەتەلدىك جاۋاپكەرشىلىككە تارتىلسا, سونىمەن بىرگە 55 شەتەلدىكتىڭ ەلىمىز اۋماعىندا تۇرۋ مەرزىمى قىسقارتىلدى.
سونداي-اق پوليتسيا قىزمەتكەرلەرى 4 اليمەنت تولەمەۋشىنى جانە قارىزى بار 3 ازاماتتىڭ قاي جەردە جاسىرىنىپ كەلگەندىكتەرىن انىقتاعان. قالاي دەگەنمەن دە ارنايى وپەراتسيالار ءوزىنىڭ تيىمدىلىگىن دالەلدەپ بەردى. سوندىقتان دا بۇنداي جەدەل-ىزدەستىرۋ جانە جەدەل-الدىن الۋ وپەراتسيالارى ءجيى وتكىزىلىپ تۇراتىن بولادى. بۇل ءوز كەزەگىندە وڭىردەگى كريمينوگەندىك جاعدايدىڭ تۇراقتى بولۋىنا جانە قىلمىستىڭ الدىن الۋعا وزىندىك وڭ ىقپالىن تيگىزەتىنى ايتپاسا دا تۇسىنىكتى.
اسقار تۇراپباي ۇلى,
«ەگەمەن قازاقستان»
اقمولا وبلىسى
