قازاقستان – وڭىردەگى وكىل

كەشە سەۋل قالاسىندا (كورەيا رەسپۋبليكاسى) قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ باستاعان دەلەگاتسيا ازيا سايلاۋ ورگاندارى اسسوتسياتسياسى باس اسسامبلەياسىنىڭ جۇمىسىنا قاتىستى. ازيا سايلاۋ ورگاندارى اسسو­تسيا­تسياسى (اسوا) 1998 جىلى قۇ­رىلعان. ونىڭ ماقساتى ازياداعى دەموكراتيالىق ۇدەرىستەردى, ازيا ەلدەرىنىڭ سايلاۋ ورگاندارى ارا­سىن­داعى ىنتىماقتاستىقتى تە­رەڭ­دەتۋ, اقپارات جانە تاجىريبە الماسۋ, سايلاۋلاردى بايقاۋ, ساي­لاۋعا اكىمگەرشىلىك ەتۋ ماسە­لە­لەرى بويىنشا كونسۋلتاتسيالار وتكىزۋ ارقىلى كەڭەيتۋ بولىپ تابىلادى. اسسامبلەيادا ءۇش جىلدا ءبىر رەت وتكىزىلىپ وتىراتىن باس اسسامبلەيالار ارالىعىندا اسوا-نىڭ باسقارۋشى ورگانى بولىپ تابىلاتىن اتقارۋشى كەڭەستىڭ جاڭا قۇرامى سايلاندى. اسوا توراعاسى بولىپ كورەيا رەسپۋبليكاسىنىڭ ۇلتتىق سايلاۋ كوميسسياسى, توراعانىڭ ورىن­با­سارى بولىپ ءۇندىستان­نىڭ سايلاۋ كوميسسياسى ساي­لان­دى. كورەيا رەس­پۋبليكاسى ۇلت­تىق سايلاۋ كو­ميسسياسىنىڭ ءتور­اعاسى نۋنگ-حۆان كيمنىڭ ۇسى­نىسى بويىنشا فيليپپين مەن تايۆاننىڭ ور­تا­لىق سايلاۋ ور­گاندارىمەن قاتار, قازاقستان رەسپۋبليكاسىنىڭ ورتالىق سايلاۋ كوميسسياسى ءۇش جىل مەرزىمگە اتقارۋشى كەڭەستىڭ مۇشەسى بولىپ سايلاندى. اتقارۋشى كەڭەستىڭ قۇرامى تەڭ گەوگرافيالىق وكىلدىك قاعي­دا­تى نەگىزىندە قالىپتاستىرىلادى. قازاقستان رەسپۋبليكاسىنىڭ ور­تا­لىق سايلاۋ كوميسسياسى ور­تا­لىق ازيا وڭىرىنەن وكىل رەتىندە سايلاندى. «ەگەمەن-اقپارات».